2552العدد معروف مقدار الفروع محلول من قبل ابوفيصل صح لسانه

بسم الله الرحمن الرحيم

السلام عليكم ورحمة الله وبركاته

ويش قاسي لينة راسه فتاه = يوم طقت منكبه هل الدموع
سر ناسٍ تنتضر درب النجاه= اشهد انه ماضلم ذيك الربوع
بالتساوي بينهم قسمه عطاه= العدد معروف مقدار الفروع

مستشار الالغاز البحر الذي لاينضب ولاينقطع ابداعه

صح لسانك وبيض الله وجهك على هذا اللغز الرائع

مبدئياً رمعة ليلٍ ماينسري
وش رايك في برواز الابره أو المغذي

صح لساتك ياأبو هليل / والله عندي رمعه راكبه ولا فيه شي يمنعها من أصابة الهدف
الا عمق تفكيرك الذي يقرب البعيد ويبعد القريب لاكن ربما تصيب
القاسي هو البحر والبنت عصا موسى

وعليكم السلام ورحمة الله وبركاته
صح لسانك يابو هليل
على هاللغز الرائع
وننتظر ردك على الرماعه
ماشاء الله تبارك الله
تصويب مستميت على الألغاز اليوم
أبو فيصل حنا صغار عمار وصغار تفكير
تجي منا الرمعة الصائبة بعد جهد

الأخ احمد صتيمه ماشاءالله عليك جبت البنت لكن
الرجّال المطلوب تم القبض عليه وانا اخو احمد خلك حولنا لاتروح

قال تعالى في محكم التنزيل :
( اذِ اسْتَسْقَىٰ مُوسَىٰ لِقَوْمِهِ فَقُلْنَا اضْرِبْ بِعَصَاكَ الْحَجَرَ ۖ فَانْفَجَرَتْ مِنْهُ اثْنَتَا عَشْرَةَ عَيْنًا ۖ
قَدْ عَلِمَ كُلُّ أُنَاسٍ مَشْرَبَهُمْ ۖ كُلُوا وَاشْرَبُوا مِنْ رِزْقِ اللَّهِ وَلَا تَعْثَوْا فِي الْأَرْضِ مُفْسِدِينَ )

دعا موسى عليه السلام ربه ان يسقيه هو وقومه
فضرب موسى بعصاه الحجر وانفجر منه اثنتى عشر عيناً ولكل سبطٍ عينٍ يشربون منها

صح فكرك ياابو فيصل وكفو كفو كفو ماشاء الله عليك رمعه قويه ومؤيد لها وأقوى من رمعتي لوجود
الصخر و الصخر يوصف بالقساوه والعلم الاكيد عند الزعيم / أبو هليل
وفقك الله

	المشاركة الأصلية كتبت بواسطة احمد السليم

	صح فكرك ياابو فيصل وكفو كفو كفو ماشاء الله عليك رمعه قويه ومؤيد لها وأقوى من رمعتي لوجود الصخر و الصخر يوصف بالقساوه والعلم الاكيد عند الزعيم / أبو هليل وفقك الله

كفوك الطيب يا احمد انت الكفو اللي حله الله يحفظك ماهو انا

ما أنا اِلاّ مساعد كبتن طيار

من دون مجامله مايصح الا الصحيح أنت من حله

نلقاكم على خير

	المشاركة الأصلية كتبت بواسطة أبوفيصل

	مستشار الالغاز البحر الذي لاينضب ولاينقطع ابداعه صح لسانك وبيض الله وجهك على هذا اللغز الرائع مبدئياً رمعة ليلٍ ماينسري وش رايك في برواز الابره أو المغذي

ماعليك زود يابوفيصل الله يطول عمرك

وصح بدنك لاهنت مشكور والرمعه ماالك لواا

	المشاركة الأصلية كتبت بواسطة احمد السليم

	صح لساتك ياأبو هليل / والله عندي رمعه راكبه ولا فيه شي يمنعها من أصابة الهدف الا عمق تفكيرك الذي يقرب البعيد ويبعد القريب لاكن ربما تصيب القاسي هو البحر والبنت عصا موسى

صح بدنك ياخ احمد

والرمعه ذبحت الغز بس البحر لين ماهوقاسي وخيرها في غيرها

	المشاركة الأصلية كتبت بواسطة همس النسيم

	وعليكم السلام ورحمة الله وبركاته صح لسانك يابو هليل على هاللغز الرائع وننتظر ردك على الرماعه ماشاء الله تبارك الله تصويب مستميت على الألغاز اليوم أبو فيصل حنا صغار عمار وصغار تفكير تجي منا الرمعة الصائبة بعد جهد

حياكم الله ياهمس
وصح بدنك لاهنتي مشكوره