تعال يا ابو روان نسولف شوي وخل اللجنه يقوموننا

سلام تسليمةٍ فيها دفاع وهجوم= ابدعتها واضبط المعنى واغنيبها
ترى النويمي علومه يا جماعه علوم=سيور الايام تدريبه ويدريبها
يامرحبا ردة(ن) تطلق سوات السهوم = ترمي هدفها وتاقع في مضاريبها
اعلومنا ياوسيع العرف حسب السلوم = يومن بعض العرب تكثر عذاريبها
ركد هدفها وعرضها كبار الجروم = نمشي على خطةٍ تصفي مشاريبها
برقٍ على الغرب ربانه تعزل يحوم= يمطر على الشرق داناتٍ يدويبها
ياصاحبي لا تحلم ماتفيد الحلوم=من عاش في دنيته ياخذ تجاريبها
إليا رسمت الخطط حذرا تطيح وتقوم=اهل المطاليب ماتترك مطاليبها
ما نعترض كان قسمتنا كبار القسوم = مار البلا نزغت الشيطان يحريبها
جتنا الرسايل عليها واضحات الرقوم.= وزودٍ علــيها تــواردنــا منـاديـبـها
اقول كل(ن) على جسمه يفصل هدوم=حذرا تسب الضيوف ولا معازيبها
انكان جيك الرسائل للرسائل رسوم=ادفع رسوم الرسائل في مكاتيبها