( من هاجس ٍ كنّه محيطات وبحور=اجبـال موجـه بالمعانـي فريـده )..مساجله

14-10-12, 03:01 PM

/
/
/
/
/
/
/
/
/
/
/
/
/
/
/
/
/
/
/
/
/

بدع الشّاعر/ خالد بن عبيد الاحمدي=
من شاعر ٍ بالعرف والطّيب مخبور=وله عزم ياصل كـل علـم ٍ يريـده
تحضر هاجوسه دايماً مابهـا بـور=تنظم على البحر الصعيـب وتجيـده
واليا طراله علم يكتب على الفـور=ويملك سلوب ايجيد سردّ القصيـده
سلام فيه الطّيـب والعـزّ مخشـور=وضح النّقا جبنـاه ممشـاه سيـده
يرفع مقام اللـي وصلّـه بدستـور=وايزيـده بحشمـه قـدر مايفـيـده
ياصلـك يافـوّاز ياطيّـب الشّـور=شيخ ٍ حفيد اشيوخ خصمـك تكيـده
ربعك زبيد اللي لهم طيب مشهـور=واحسابهم بالطّيـب زايـد رصيـده
ماتهمّها دنيا بهـا نقـص وغـرور=تجهـد وتطمـع للعلـوم الحميـده
بيمانها يسّـر لهـا كـل معسـور=وجيرانهـا فـي ضلّهـا مستفيـده
اشكي لكم حالي من الـودّ مقهـور=وازريـت يافـوّاز لخفـي وقيـده
بذلت له جهـدي بماكـان مقـدور=ودزّيـت جاهيـه رجـال ٍ شديـده
والجاه ليتـه فالقضيّـه لعـب دور=الوضع هو الوضع غايـب جديـده
كل ماطرالي جبته بجهـد ويسـور=ماغير هـذي فـي حياتـي وحيـده
والرّاي من يمّك يابن الاجواد منطور=وصاحبك يقبـل بالعقـول الرّشيـده
وحذرا تقول انساه لو كنت مجبـور=هذي يابـو محسـن تراهـا بعيـده
لاكن عدد ماتخطّ الاحبـار فسطـور=صلّي على محمّـد ختـام القصيـده
ردّ الشّاعر / فوّاز بن محسن الزّويهري=
من هاجس ٍ كنّه محيطات وبحور=اجبـال موجـه بالمعانـي فريـده
ماعامه اللـي فالرّبابين منكـور=وراع الخطا معلوم روحـه فقيـده
والبحر مايعرف له احزان وسـرور=حاوي جميع الخير خصمه يبيـده
ترحيب بحر الشعر يزها كما النـّور=واللـي سواتـك بالتّحيه نزيـده
خالد عبيد اللي على المجد مذكـور=صيراف حرف وعرف نقوات صيده
لجلك سليل صقور وفهود ونمـور=وقفاتهـم وقـت اللـوازم عتيـده
تاريخهم معروف ما خطـّه الـزور=والأحمـدي مايرتضـي بالهويـده
ويابن عبيد البيت بالعـز معمـور=وأنـا رفيقـك والمبانـي جويـده
جاني كتابك فجّة الصبـح فبكـور=عبر الأثيـر الخـطّ جانـي بريـده
قريتلي حرف ٍ به الـود مكسـور=وامعنت في قلـب المعنـّا وريـده
لقيت قلبـك بالمزاييـن مسحـور=معقـود فبحـور الغـرام التليـده
يرفض علاجه كان ماهو من الحور=وإن قلت لا تقـرب تزايـد لهيـده
داوه بدائه كان تبغـا لـك جبـور=ولا تقبل انصاف الحلـول البليـده
وإليا حفر لك خندق ابنيله اجسـور=لا تيأس برمـي الحبـال العقيـده
واحذر تقرب من طريق ٍ به احدور=لاتقول هذا الـودّ مثلـي شهيـده
واعرف خراجك ربح ولا لمخسـور=وصلي على اللي له رسالة مجيـدة