الزمن ,, رسالة الى منصور

شب الجمر ياجرح واسقيني جروح = ودرّج بنفجالك لمنصور واسقيه
اقرب نسولف همنا متن وشروح = ونذل زوله بالصبر ثم نكويه
واشرب بنا من مر الايام قرطوح = ثمّن نونّه حرف ثمّن نغنيه
شعر الفتى الحربي من الراس مقدوح = صافي ولاغثربه فعل الزمن فيه
يقول خالد مني القلب مقروح = وجفني جزا عن مرقده من هقاويه
همٍ فوسط الصدر باني له صروح = وليا هدمته جدّت علوم تبنيه
ماهو سبب غروٍ مغندج ومملوح = ولاسبب مالٍ من العالم ارجيه
يالعنبو وقتٍ به الظفر مطروح = واللاش يمرح والهملّق تباريه
صار العثو يفتل شواربه ويشوح = والقوقصة تحوى الصقر ثم ترديه
يوم المقارع كان مقعي ومبطوح = واليوم رز الراس والقمل ماليه
وولد الاصل منفي ولا منه مصلوح = وياعنك من لا يعرف الصقر يشويه
قومٍ لنا الطالات والغير مرجوح = سقم الحريب اللي تحير مداويه
وقت العزاوي تهجد جبال وسفوح = ونشرب في فنجال العدا ثم نرميه
ابصّم شفاهي على سم ذرنوح = والناس ماتدري عن اخوك وشفيه
لامارخص دمعي ولاهل مسفوح = مادن راسي لو هو الوقت حاديه
منصور دور الكيف واسقيني تروح = ودوك العنا خذ منه ياخوك واعطيه

خــالد الحــربي (بن نامي)

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

الشاعر/خالد الحربي
صح لسانك وعتلا شانك

ولد العم العزيز الحب الباقي

صح بدنك ووجهك ابيض وماعليك زود يابن العم

ولد العم الغالي فهد بن غانم

صح بدنك ياولد العم شاكر مرورك

ولد العم العزيز استاذنا سعد المحمدي

صح بدنك ،،

شرفتنا بمرورك يابن العم

صح الله السانك


قصيدة عانقة السماء بجزالتها وأبداعها

تحياتي لك

حيا الله ولد العم الغالي القناص صح الله بدنك

الجزالة مرورك ياولد العم

	المشاركة الأصلية كتبت بواسطة بن نامي

	شب الجمر ياجرح واسقيني جروح = ودرّج بنفجالك لمنصور واسقيه اقرب نسولف همنا متن وشروح = ونذل زوله بالصبر ثم نكويه واشرب بنا من مر الايام قرطوح = ثمّن نونّه حرف ثمّن نغنيه شعر الفتى الحربي من الراس مقدوح = صافي ولاغثربه فعل الزمن فيه يقول خالد مني القلب مقروح = وجفني جزا عن مرقده من هقاويه همٍ فوسط الصدر باني له صروح = وليا هدمته جدّت علوم تبنيه ماهو سبب غروٍ مغندج ومملوح = ولاسبب مالٍ من العالم ارجيه يالعنبو وقتٍ به الظفر مطروح = واللاش يمرح والهملّق تباريه صار العثو يفتل شواربه ويشوح = والقوقصة تحوى الصقر ثم ترديه يوم المقارع كان مقعي ومبطوح = واليوم رز الراس والقمل ماليه وولد الاصل منفي ولا منه مصلوح = وياعنك من لا يعرف الصقر يشويه قومٍ لنا الطالات والغير مرجوح = سقم الحريب اللي تحير مداويه وقت العزاوي تهجد جبال وسفوح = ونشرب في فنجال العدا ثم نرميه ابصّم شفاهي على سم ذرنوح = والناس ماتدري عن اخوك وشفيه لامارخص دمعي ولاهل مسفوح = مادن راسي لو هو الوقت حاديه منصور دور الكيف واسقيني تروح = ودوك العنا خذ منه ياخوك واعطيه خــالد الحــربي (بن نامي)

صح لسانك على هذه الرائعة اكرم وانعم بك وبشعرك كفو كفو كفو ومليون كفو
ينومسني شعرك والى الامام رعاك الله
تحياتي وتقديري