الطاااااااالب قرب

سعد المحمدي
سرى الليل يالطالب وليلك غدا ليلين =وقـلـبـك مـغـفــل والـطـواريــق تـسـرقـهـا
لقيناك فـي وادي حنيفـه معـك سكيـن = نجـمـع شـتـات الـقــوم وانـتــه تفـرقـهـا
الطالب
بعد جابك الله في يدي ياغراب البين = بريين من تهمة ضعوف ٍ تزارقها
انا وين ماوجهة دايم وعلمي زين = ماني من يبروز صورته ثم يحرقها
سعد المحمدي
نـا قلـت حاجـه واضحـه للمـلا بالعيـن =عليهـا الشهـود بغربهـا مــع مشارقـهـا
تقولـه وراسـك دافنـه بالوحـل والطـيـن =لاحصلت فرصه روس الابطال تدرقها
الطالب
تفلسف حسب ظنك ولا نتبع الغاوين = اهل قيل والا قال والموج يغرقها
لو تشوف راسي يعتريك الهلع واللين = والابطال فوقك عاليات ٍ بيارقها
سعد المحمدي
علامك تجنب عن سوالي يابـو وجهيـن =ســـرقـــت الاوادم والـمـواثــيــق تـخــرقــهــا
ماشفناك في غزوة بدر ياجودي وحنين =ماتمشـي بيـان الارض تمشـي مدارقـهـا
الطالب
امجاوبك لاكن مانت واعي يابو علمين = مايبلش رجال العرف ياغير مارقها
سحابتك صيف ٍ مامطرت والكريم يعين = مايرجي مطرها من هو يشوف بارقها
سعد المحمدي
جوابك مايقنع راعي السيف ابو حدين = مــدام ان فـاسـك مــن غشـامـه تمرقـهـا
كثـيـر المهـايـط ماخبـرنـاه ســـد الـديــن =عــن اشـكـالـك الـديــره مـقـفـل مفـارقـهـا
الطالب
مهارتك بالتنسيق والوزن والتلوين = ماتسكر ابواب ولا انت بيديك طارقها
ولا عودة للجد باول وفي هالحين = نسوقك كما تسوق المطايا مطارقها