( شحّ الوضايف مع غلاء المعيشه )

/
/
/
/
/
/
/
/
/
/
/
/

النّفس تطمع للحياه الكريمه=ولاّ الغنا الفاحش ماتطمح تعيشه
لاكن تحول ضروف دون العزيمه=شحّ الوضايف مع غلاء المعيشه
ولانعني بذلك نوايا لأيمه=يفرح بها قوم القلوب الغشيشه
حنا على اعهود السّعود القديمه=نبقى نجدّدها ونحسب لجيشه
لاكنّنا نشرح ولاهي جريمه=شرح الضّروف القاسيه والفقيشه
بلّ ياوليّ الامر يدك الكريمه=ناثق بمدّتها جزيله مريشه
تواضعك واضح ونفسك سليمه=واحلى من التّمر المقدّم فبيشه
ولولا المناصب بعضها دون شيمه=صارت مسامعها بحال الطّريشه
من دون ذمّه بالرّشا والنّميمه=غشّت بلدها تختلس من جريشه
ماكان بعض النّاس تشكي سقيمه=طار الرّخم والصّقر منتوف ريشه
ويالله يامحي العظام الرّميمه =يامنزل الغيث المبارك رشيشه
تحفظ بلدنا والعلاقه حميمه=بين المواطن والملك في عريشه

الشّاعر / خالد بن عبيد بن معتوق ألأحمدي