وين الشعار ......نايف بن مياس

نايف مياس الفدريدي=
في ملتقى حرب جعل الله يدومه سنين=سلام من راس عيطا ولعت نارها
اللي يريد اليمين يروح يم اليمين =واللي يدور يسار يروح بيسارها


فايز موسى البشري=
فالموقع الي يشرّف حضرة الغانمين = يامرحبا والزمل تبرك على ازوارها
اهل اليمين بجميع الي يحصل فايزين = واهل اليسار غبرتها وسط دوارها

نايف مياس الفريدي=
دام البقا وانت يافايز من الصابرين = الله يعينك على الايام واقدارها
سمعت كلمه شهيره راحو الطيبين =اليت ربي تركها طول اعمارها

فايز موسى البشري=
مايبلش الرجل باهل العرف والفاهمين = يبلش بمن عن خطاها تقصر انظارها
الطيب باقي لاكن قل راحوا العاقلين = الي لها افعول وايضا توخذ اشوارها
نايف مياس الفريدي=
ياليت تقريب وجهات النظر للثنين =من شان يطلع على التاريخ تذكارها
لو الله إلا شكيت اليوم للميتين =ماكان كبرت ليا هالحين باطوارها

فايز موسى البشري=
حسان ماهو بحاسب وش يقوله احسين = والناس ماحد ٍ مكاونها على افكارها
يبي يجي يوم فيه يبين علم ٍ ثمين = وجحا يبي ينقل اللوحه بمسمارها



نايف مياس الفريدي=
المشكله لو سمعنا هرجة الشامتين =وشلون نقدر على التكتيم وانكارها
يافايز انته تصلي وجهة القبلتين = واللي سكن وسط مكه يعرف انهارها


فايز موسى البشري=
الي يفتّح اسموعه تفجر الطبلتين = والكل لحيه يابن مياس مقدارها
تشوف ويشوف مثلك كل رجل ٍ فطين = والي لبس كوت مسؤل ٍ عن ازرارها

صح الله السنتكم لاهنتم

ولاهان منطوقكم لاغرابة الجزالة يا حرب