سلام الله سلامٍ يصحي من بغاء النوم

مضحي بن جمران=
سلام الله سلامٍ يصحي من بغاء النوم=سلامٍ لاسمعه السنافي طـار نومـه
يقوله واحدٍ قالو انه من هل الـزوم=صحيح وكل عزيز نفس وفيه زومـه
ذيب العاقر=
هلايامرحبا بالشجيع اللي نصى القوم=ابن جمران محسوب من فرسان قومه
تراء ماكل طيرن يطير ويبعد الحـوم=لكن الحر لاطار له جولـه وحومـه
مضحي بن جمران=
هلا ياشاعرٍ لاغلاء فالجزلـه السـوم=يعشق الطيبه لو غلت يفرق بسومـه
صحيح العلم هذا ماهو من امس واليوم=لعل الذيـب ياخالقـه تبطـي بيومـه
ذيب العاقر=
يامضحي مايزين السماء الاباربع نجوم=وتكفيني وتكفيك عن باقـي نجومـه
تراء الرجال لامن وقع في ماقع اللـوم=وش اللي يعذره يوم خلق الله تلومـه
مضحي بن جمران=
حلات الرجل لاصار به دفاع وهجوم=يغطي في دفاعه ويعجبنا هجومـه
ولا اظنه بهرجٍ وراه اللوم ملـزوم=وهرجٍ من وراه الملامه وش لزومه
ذيب العاقر=
كبير القوم جت من وراه علوم وعلـوم=ولاجت من كبير العرب تجزع علومـه
حقوق الفارس اللي مع العربان مهضوم=حقوقه يابيض الوجه وشلون مهضومه
مضحي بن جمران=
ياخوي المحفظه ماتضيع من له سهوم=وكلٍ يابيض الوجه معروفه سهومـه
مدام الخصم له استقر ومنه مهـزوم=ماتبي هرج والقوم يانـاس مهزومـه
ذيب العاقر=
عرفنا الحقايق يوم غزو الفرس والروم=نطح زيزومهم يوم قل اللـي يرومـه
الا يامضحي الخصم دونه تحول خصوم=عميله معترف لـه وباروبـه خصومـه
مضحي بن جمران=
طويل الباع بكتاب قنس مسجـل رقـوم=شهادة حق يالقـرم مانجهـل رقومـه
مشاريهك على اللي يجيد الغوص والعوم=يجيك بـدرة البحـر غـواصٍ يعومـه