اليا ضقت لا تشتكي للعبد في حاجه

	المشاركة الأصلية كتبت بواسطة عبدالله بن عيد

	اليا ضقت لا تشتكي للعبــد في حاجــــه &&& والضيــقه الي بصـــــدرك لا تبينــــها للنفس عـزه لــك الله كنهـــا سراجـــــه &&& ومن ذل نفسه مع المدفـــون يدفنـــها عمر الردى ما يجيب للجرحك علاجــه &&& ونفس الردي لا محاله مــا نواطنـــها اصبر ولبد مـــا تأتيـــــك بفراجــــــــــه &&& ولبـد مـــــــا دنيــــا الفنـــا ما تكاونـها ولا تامن البحر ثم ياتيـــك بمواجـــــــه &&& وتضيـــع نفـسٍ سبايبــــها تهاونــــــها كم حاجةٍ من لقاها جـــات بزعاجــــــه &&& ثــم ترتفع كل إشارات الغضب منــها وتشيل وتحط مثل الزمــل بهياجــــــــه &&& وخلــق الولي لو تمـــّرك قمت تلعنـها اركد وشف علتك ومنين منعاجــــــــه &&& خلــك على هونــك اليا قيـــل هونـــها كلٍ يعرف الدروب وكيف منهاجــــــــه &&& وكــلٍ جنـــونه براســـــه لا يفاتنــــها خلك مع الناس مثل الناس مدراجــــه &&& متوسـطٍ بين خلــــق الله وأحسنـــــها وبابٍ دخلته تأكد كيـف مخراجـــــــــه &&& لا تحرج النفس في حاجه غني عنــها

صح لسانك ياعبدالله
على القصيده الجزله
اجمل التحايا