الله على اللي تقعد الراس يافلان

،،

الله على اللي تقعد الراس يافلان=اللي عليها مثبتين الادله
اللي اتطِير النوم عن كل سهران=واللي تحير الفكر والمشغلَه له
الها تعنى لو ورا حد نجران=واحسب حسابي معك واللاش خله
حيث انها وزعة طويلين الايمان=أهل البشاشه والهلا المرحباً له
اللي مواعدها بعد وقت الاذان=عشق الشيوخ اهل البيوت المضله
فإن جالها بالصيف روحاً وريحان=وإن جالها بشتا يلاقي الدفا له
لا جت تبغدد ثم أخذها بالاحضان=ينشق روايح جسمها من مغله
في خايع أرضه بِكِر ما فيه مسكان=مد النظر خضر الزوالي افرشنله
جملة محاسنها مع الوصف فتان=فتان وزود الزين في الجسم كله
الخصر ناحل لو تلفه بذرعان=واليا وصل لا ردفها مايزله
وما بين منحرها وما يكسي الامتان=عشقان يعدل رجدها عن محله
وليا فهقها تفهق الراس طغيان=وساعة يلمه لم وساعه يفله
كل ما تقرب نهدها الرجد شقران=بزعفران وهيل ما فاح جله
ارخت له مركوز النهد بعد ما بان=لا هو بغيبوبة وعي فاقد له
والنهد لا مكسي ولا هو بعريان=والجيد لا كاست تغطى حيا له
ألذ مطعم من حليات الالبان=لا من قرب مَن نهدها مرتخي له
يرضع نهدها بين ريض وعجلان=ثلاث رضعاتٍ حكمها فحله
كنه يخاف اليا وصل خمس يااخوان=تحرم عليه وتصبح البنت أُم اله
تحكم على الشيخان راضي وزعلان=والبيض يرضن الفتى ويزعلن له
إذَّكِرّ إبْلقيس حضرة سليمان=من فوق عرش امجمد الما يقله
لو يهتدون البيض بدواً وحضران=ما تنهدا الا للنشاما ولله

وسلامتكم