مصافحه اولى بعد التحيه والتقدير ........

	المشاركة الأصلية كتبت بواسطة جميل بن حميدان

	الله يحييك ياناصر وبيض الله وجهك .. الحقيقة توقفت عند بعض الابيات اللي تستحق الوقوف عندها وحفظها في الذاكره... ولوما ماتستاهل الاشاده ماكان علقت على النص في وقت ماكل مايقرى من الشعر يسمى شعر .. لي بعض الملاحظات البسيطه ومن حرصي وخبرتي المتواضعة ارجوا ان تتقبلها والاختلاف فالراي لايفسد للود قضية .. كل البيوت اللي تبتدي بالواو يكون الواو حرف زايد على الوزن وليس على البيت نفسه .. وفي الحاله هذي ازالته لايخل بالوزن ويكون افضل من وجوده .. مثال وعـنـد الـلـوازم لا يخـيـب الـرجـاء فـيــك=ومـا للـوفـاء غـيـر الـوفـاء هــو سبيـلـه لو قلت البيت بدون الواو مايختل الوزن لكن يكون افضل حسب راي .. وانا ماخترت البيت هذا الا لوجود ملاحظه اخرى تزيدة جمال عـنـد الـلـوازم لا يخـيـب الـرجـاء فـيــك=مـا للـوفـاء غـيـر ( الـوفـي يرتكيله ) وفقك الله .. هذا راي اتمنى منك تقبله بصدر رحب وانا ماعرفك يمكن تكون اكبر مني سنناً وشعرا .. لكنه يشهد الله انه من القلب الا القلب .. تحياتي وتقديري

ابقاك الله يابن حميدان ووجهك ابيض يالغالي
اسعدني وشرفني مرورك وكلامك الجميل خاصة عند قراءتك للقصيدة بتمعن وهذا هو المطلوب وإبدآء اي ملاحظه وهذا يدل على وعيك وحرصك ونقدك الهادف والمفيد هو مكان تقدير وشكر لك على ما فيه.
وملاحظتك سليمه و في محلها وانا مقتنع جداً بها حتى ولو كان الواو لا يخل بوزن الابيات حسب وجهة نظري ولكن كما ذكرت انت حفظك الله عدم وجوده افضل هذا في حالة اذا اخذنا كل بيت على حده ولكن عندما تقرأ القصيده بمجملها فكل بيت بالواو معطوف على البيت الذي قبله خاصة انها قصيده بالنصح وترتبط بعض الابيات بالمعنى ببعضها او تكمل المعنى المطلوب ومتسلسله هذا حسب وجة نظري . لهذا انا اشكرك جداً واحترم وجهة نظرك القيّمه والمفيده وانا جداً سعيد بأي نقد هادف وبنّاء يصب في مصلحة الشاعر والشعر بوجه عام ويعطي النص جمال اكثر .

شكرا لك ايها الشاعر الجميل