ديوان الشاعر صالح بن حمود القويضي العياضي

هذهـ قصيدة الشاعر / صالح بن حمود القويضي العياضي
في إبن العم الشاعر / معتق بن منير العياضي

حييت ياقرم على الطيب مبداك = بإسم العياضي ماتناسيت الأجداد
سعيت يا معتق ومن طيب مسعاك = تسبق على البيضا على روس الاشهاد
صخّرت مجهودك على شان مجناك = لك الثنا يثنى مع الطيب ويزاد
ياابن الرجال اللي بالأمجاد مّلاك = أقول وأفخر وأثبّت القول بااسناد
يوم القبايل بين غارات وعراك =ياما احتمو يوم اللقا كل مسناد
بمشوّك لمصندق الصدر فتاك = واليا اعتزو بـ " عياض" من دون الاذواد
واليا اعترض المعترض خطو لخطاك = للضرس شلاع وللعرق فصاد
عزّك بني عمك ليا صك صكاك = ماتسهر عيونك وعوانيك رقاد
واقبل تحياتي عسى اللاش يفداك = يامن شهر اسمه على ساحة الماد
وماناحت الورقا على دوحة الراك = صلو على اللي وضّح الحق بإجهاد