( الــبــايـسـن والــرّيــد بـــول )..إلى العافصه ( حفيد الحجيري )

خالـد بــن عبـيـد الاحـمـدي =
المجادل مصيبه ياحسن لـو يطـول=لاكن المختصر يغنـي عـن اللكلكـه
مدمن البايسن ماجرّب الرّيـد بـول=لـو يجرّبـه مـرّه ظـنّ مايتركـه
حسـن بــن عـلـي البـشـري=
ما نطيق المجادِل ما نحـب الخجـول=ما نجاري هـواة الهـرج والفزلكـه
حسب مبداك خلّك واختصر وش تقول=لا تٌقـدّم بـدون سـلاح فالمعركـه
خالـد بــن عبـيـد الاحـمـدي =
مايفيد الشّراب اللي ينشّـط كسـول=لـو تجيلـه دعايـه كلّهـا فبركـه
ديننا سمح يحرمّ فيه شرب الكحـول=حارب اللي جلبهـا داخـل المملكـه
حسـن بــن عـلـي البـشـري=
دلــة الشاذليه كيف راع الأصـول=وأنتْ شارب عويص الدرب ما تسلكه
الله أعطى الأوادم يا رفيقى عقول=والعــقــول السليـمه للخطــا مدركـــه
خالـد بــن عبـيـد الاحـمـدي =
كم نصحنا ولاكن مالقينا قبول=للنّصيحه مادام النّاس متفكّكه
المطوّع مايرضا فالمجالس طبول=مير راع الوناسه راغب الشّكشكه