زومالة من السلمان والرد عليها

السلام عليكم ورحمة الله وبركاته
زومالة حضرو بها السلمان في زواج الشاب رايد بن عبدالعالي سمران البشري الحربي
وكان الرد مني على حدايتهم

سلام من عزوة سليم اهل المواقيف الحدادي =
ردة وفا مضمونها لصحابنا عنبر وكادي =
تنصا الحروب ومن حضر في حفلهم حضر وبوادي =
مبروك يارايد نهنيكم على الحفل الكبير =
والثانية وش رجل له هيبة على الارض الشدادي =
ثلثين قسمه بامر خلاق العبادي =
وثلثن يزوره كل ماهبت نسانيس البرادي =
وانتم تعرفونه به الاخطار والخير الكثير =

الرد =
يامرحبا من روس حرب اللي يكيدون الاعادي =
ترحيبةٍ فيها الوفا طول المدى في كل مادي =
بصحابنا السلمان مثل الغيث لادن الرعادي =
اللي خِطاهم في مواجيب العرب دايم تسير =
والثانية الرجال حله ماخفى واخذ الوكادي =
ثلثين فوق الارض ماء واليابسة ثلثه آحادي =
والله خلق جوف البحر ياصحابنا للناس زادي =
ومن لايعومه ماقفه وسط البحر ماقف خطير =

ياسلام ياسلام ياسلام

صح ألسنتكم وبيض الله وجيهكم

ورد وافي شافي يابو محمد

لاخلا ولا عدم

تسجيل تواجد في منبر الجزاله
صحت السنتكم
والله يـعـطـيـكم الـعـافيـــــــــــة
بيض الله وجيهكم

صح ألسنتكم وبيض الله وجيهكم