فـرقــاك

السلام عليكم ورحمة الله وبركاته
.

.

.

.


قصيدة ألقيتها في حفل عيد الحج في كندا

فرقاك ليه عقب الجرح جرحين=والمشكله قربك جهنم من الخلد
ماعاد قلبي يحتمل صد غالين=اهواك مهما يحدني دونك البعد
للعشق لذه في قلوب الملايين=بس البلا لا صار حب معه صد
مثلي عناه الجرح طعن السكاكين=وشلون منك جاتني شحة المد
من طيبتي باسم الوفا قلت اهلين=كنت أتمنى بيننا الوصل يمتد
لكن حسافة لوعة الشوق تخمين=فيه الجفا عاده واجازيه بالود
كنت احسب إن الحب جنة محبين=واثريه بيت من زواياه ينهد
مثل الاسير اللي تغرب من اسنين=عند الامل تلقاه.. والباب منسد
واليوم في سود الليالي مقفين=حظي ردي عكس الهنا دايم احصد
مدري غلط سلمتك القلب والعين=والا قدر فيه التصابير لابد
قفيت رغم الطرف تحت النياشين=والدمع مثل السيل باين على الخد
ماعاد لي في الشوق منصب وتعيين=دنيا وفيها الطيب نادر ما ينعد
اصبحت مثل الحرف بين الدواويين=كني على وضح النقا قوس يرتد
حتى الهنا والانس صاروا موليين=ضاع التعب من وين يا ريحة الورد
وامسيت في فرقا المواليف مسكين=هايم عليه الموت يرخي ويشتد
جفت عيون الري بين البساتين=ليت المفارق بدل المر بالشهد
ياهاجسي لا تخلط الزين بالشين=بعض الخواطر دار مبني على وجد
ان لم نكن وسط المحبه محاميين=وش عازة العين تبكي ولا تلد
كلي شغف مشتاق يكفي تغاضيين=وجدي عليك ملامس الخد واليد
هذا الوفا لو قالوا الناس وافيين=محدن على جمر الغضى يفضح السد

وسلامتكم

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

كلام جميل
سلمت.

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك


وبيض الله وجهك على القصيدة الرائعة


دمت مبدعاً ومتألقاً

صح لسااااانك مليووون وبيض الله وجهك

قصيده جزله في غاية الروعه والجمال والابداااااع

الله يعطيك العااااافيه دمتم ودام ابداااااااااعك

ودي واحتراااااااامي

صح لسانك


وبيض الله وجهك على القصيدة الرائعة


دمت مبدعاً ومتألقاً