حسبي الله عليكم ياحروب المدينه

ملف المورقي=
ياسلامي على الحضار رده ثمينه = قلتها من هجوسي بإختياري و طوعي
حسبي الله عليكم ياحروب المدينه= عقب ماشفت بعيوني و ما أوحت سموعي
صياف الحربي=
مرحبا بالامانه و اليدين الأمينه= في نهار الثلوث و في نهار الربوعي
من هواللي سمح لك في دخول السفينه = و أنت ما أنته يتيم و لافي عينك دموعي
ملفي المورقي=
ماورى حرب ياكود التعب و الغبينه = هرج الأجواد مايقطع ضمايه و جوعي
غرنا المسلم اللي سجدته في جبينه = مار كبر و خلها سجود و ركوعي
صياف الحربي=
جتك قهوه و شاهي ثم شاةٍ سمينه = لين قامت خصامك يدحمن الضلوعي
ملفي المورقي=
وش نبأ بالمريض اللي يجاذب ونينه = قاضٍ العمر كله في نزول و طلوعي
أنت عينك كحناها برفق و سكينه = مار زين طبوعك ياحسين الطبوعي
صياف الحربي=
لاتفتح عيونك كل ماشفت عينه = مر قصر الروابي ثم قصر الشموعي
أنت خلصت ظلم و رحت يم الدفينه = تبلع الرزق كله يالبعير البلوعي
ملفي المورقي=
أنت ياصاحبي في وقت فرحه و زينه = كيف تقدم على العذراء بليا دفوعي