مهما خذلني صاحبي ماخذلته

اسعد الله اوقات الجميع بالخير والبركة والمسرات
وكل عام وانتم بخير...
عرض علي احد الاصحاب بيتين من الشعر معجباته وسألني عن رأيي بهن
وقلت من ناحية الشعر ماعليهن كلام ومن ناحية الفكر والقناعة عليهن كلام
لانه من وجهة نظري الخاصة ان الصاحب هو صاحب القلب الكبير الذى يعذر ويسامح ويلتمس الاعذار لكل من قصر معه من الاصحاب فالصداقة ليست مجرد مصلحة بين الاصحاب بل الصداقة شأنها كبير فهي عطاء قبل ان تكون اخذ ..
وهي سمو اخلاقى ورفعة ومعزة تزهو بالقلوب وترتقي بها النفوس.....

البيتين الذين عرضهما صاحبي علي


ترا الشدايد وعسر الايام والضيق****تظهر حقائق صاحبك لاجهلته

اما ارتكي مثل الجبال الشواهيق****والا صغر فى ناظرك واحتقرته



ردي ومجارتي للبيتين السابقين



الريح ما تثر على قمة طويق****اما حملك الضلع والا حملته

الطيب بين الناس وهبة توافيق****والناس تحفظ كل طيبن عملته

الصاحب الصافي سكن بالمعاليق****ادمح خطاه وبالتسامح شملته

لو قصر بحقي على نشفة الريق****مهما خذلني صاحبي ماخذلته

الشاعر
نادر النادر
صح لسانك على الابيات

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة سعد المحمدي

	الشاعر نادر النادر صح لسانك على الابيات

الاخ العزيز/ سعد المحمدي

صح بدنك
والله لايهينك على كريم المرور ونبيل الشعور
دمت بخير

كل عام والجميع بخير وعساكم من عواده

صح السانك ودام عزك وبيض الله وجهك

قصيده في غاية الروعه والجمال الله يعطيك العافيه

دمتم على العز والتقدير

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

الحب الوافي
صح بدنك
وكل التقدير والشكر لكريم المرور وطيب الشعور
دمت بخير

بسم الله الرحمن الرحيم
صح لسانك ودام عزك
اخ نادر على الكلام الطيب

كلام حلو.
سلمت..

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

فهد ابن غانم

صح بدنك والله لايهينك على المرور المميز
وكل التقدير لشخصك الكريم
ودمت بخير