المطلب اللي منول صعب تحقيقه = قبيلتي حرب حققته وانا افداها

القصه أكبر من الشعر وطواريقه=وأكبر من اللي يفسرها ويقراها
المطلب اللي منول صعب تحقيقه=قبيلتي حرب حققته وانا افداها
من يوم صرح ولد محسن بتعليقه=عبر الصحف بسمه الاخبار مبداها
قال أزهلوها وأنا بندر عن الضيقه=أم الولد بشروها ( شبلها جاها )
بأذن الولي لطلقه وحذف مسابيقه=ماينطح الكايده من خاف بلواها
وتكفل ابما طلب .. ماقال ماطيقه=هبد لها الفرم صدره ثم تبناها
وقام اللهيبي معه يعلن مواثيقه=والفزعه اللي براسه طاب مسعاها
قرمن لفعل المراجل فيه تسبيقه=من روس عوف اللي تنومس حماياها
وتكاتفو كل حرب بدون تفريقه=سالم ومسروح قامت تمطر ايداها
تجمعو ووقفو غربن وتشريقه=وكلن ربوعه على الفزعات ينخاها
ولاهو غريب الوفا حنا معاميقه=ربعي هل الطيب معروفه سواياها
قومن لهم في سما الامجاد تحليقه=وفي مطلب العز دايم توصي أبناها
ماقصرو جابو المال بصناديقه=وكلن ظروفه لجل خالد تحداها
ومعهم هل الخير من شتى مخاليقه=تفاعلو والمواقف مانسيناها
ويوم جمعو مبلغن باقي لتغليقه=وقامت ليالي زمنا تسرع اخطاها
وقف لها اللي عسى المعبود مايعيقه=ثم مده له مدتن محدن تهقواها
خمسة ملايين لهل المال توهيقه=عنها شيوخ الدول تقصر عطاياها
الشيك تله وشك أسمه وتصديقه=وقال أصرفوها وان أحتجتو دبلناها
يبغى جزاها من المولى وتوفيقه=ربن عباده بفعل الخير يجزاها
هذا صلاح الزبالي جاك تحقيقه=النعم غصبن خذاها ماتمناها
حرب اتفاخر بطرياه وملاحيقه=وأسمه على صفحة التاريخ يزهاها
في عتق الارقاب ماننسا معاتيقه=كمل دية خالد وفي فعله أنهاها
وتباشرو حرب بالخير وتشاريقه=وأدنا العرب قامت تبشربه أقصاها
وتهنت أم الولد بموادع الضيقه=وخالد تهنى بشوف أمه وناداها

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك ملايين
وبيض الله وجهك وفداك الاش
قلت واجزلت
بارك الله فيك

صح السانك ملايين
وبيض الله وجهك وفداك الاش
قلت واجزلت
بارك الله فيك

صح لسانك يابو ثامر على هذه القصيدة الجزلة

خالد يستحق وقفة ربعه و هذا واجب

و حرب تستاهل هذه القصيدة الجزلــــــة

و عاداتك الجزالة ... صح لسانكـ و بيض الله وجهكـ

صح لسانك يابو ثامر على هذه القصيدة الجزلة

خالد يستحق وقفة ربعه و هذا واجب

و حرب تستاهل هذه القصيدة الجزلــــــة

و عاداتك الجزالة ... صح لسانكـ و بيض الله وجهكـ

انا وقفت احتراما لهذه الشامخه بشموخ شاعرها
لقد اشبعتني شعرا وفن وابداع منقطع النضير
لن استطيع اقول شيء الا لله درك لله درك
سجل اعجبي الشدييييييد

الحب الباقي يامرحباااا فيك

وصح بدنك يالغالي

الف شكر عاى مرورك الرااائع

صح لسانك شاعرنا ...
قصيدة جزلة من شاعر جزل...
والنعم فيك وفي قبيلتك حرب ...