ديوان قصائد الشاعر(بخيتان البشري)

ياعويني طُرقةٍ ما انته معي فيها خوي = سقت عذري قبل لا فكر لها حثتّ خطاي
انت لا خاويت حظي ماتردى بأجودي = سايره وسراه مااخلف سايري والا سراي
مع وجودك فالمواقف ماقفي عزمه قوي = انت خُصله للبنادم كسبها غاية مناي
من جعل طبعه سماتك فالعرب يمشي سوي = واتخذتك طبع فيّه كل ما اشيدّ بناي
ياعويني إنت صدق القول بك ماينطوي = وانت نية صادقة في داخلي تكسي خفاي
فيك درب الخير لايمكن يميل ويلتوي = مستقيم وماده الحق لو تصدّو له عداي
كم جاهل بك رجال العرف يكوونه كوي = ما تبعت اللي فقدك ولا فقدته في عزاي
الرجال اهل الوفا تحوي مفاهيمك حوي = ارضك الطيب ونباته لي مروه يا غناي
من يبى يعرف عويني مبدئه ما ينزوي = الوفا والطيب والمعروف يصرفها دواي
قلتها واقولها للي لوى دربه لوي = والله إنه لا تبع ما قلت ما خيب رجاي
والصلاة على محمد عد ما اسمع من دوي = للرعد واعداد مالاحت بروقه في سماي