من يعد الليالي والليالي تعده

من يعد الليالي والليالي تعده = اشهد انه حزين القلب ماهو بسالي
ياحياةٍ نسايرها بعزمٍ وشدة = طار فيها زمنها وعتلقها جفالي
كم قويٍّ قوي العزم حيله تهده = لين تثنّيه تثنيت الجمل بالعقالي
كل ماسار سيري مع رفيقٍ أوده = غاب عني وخلاني وحيدٍ لحالي
ماطواه الزمن لايمكن انك ترده = كيف تقدر ترد اللي على القلب غالي
ياجزيل المعاني مالك اليوم صدة = كان ماشفيت صدري منت جزل المقالي
كل مالاح برقٍ بالغيوم المسِدّة = ارهش القلب يتبع مرهشات الخيالي
ياسحابٍ نزل بالعيلم المجرهدّة = طاب وبله على قفرٍ من الناس خالي
لاتخلي خويك والليالي تحده = ونت تدري ماهو عقبك سليم الحوالي
مايحب النمايم والوجيه المصِدّة = ولايحب الحرام ورغبته بالحلالي
منوته خوّة اللي ثوب الامجاد قده = صيرميٍّ على طول المناعير طالي
العرب كل مسعورٍ معرّط ببدّه = والليالي غروب ومنزلٍ وارتحالي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

مشكور عفاك الله ابدعت
تحياتي

صح لسانك
الله يعطيك العافيه

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الحب الباقي صح بدنك ووجهك ابيض
والله يعطيك العافية

	المشاركة الأصلية كتبت بواسطة ابوراشد

	مشكور عفاك الله ابدعت تحياتي

ابو راشد مشكور الله لايهينك

	المشاركة الأصلية كتبت بواسطة ابوهليل

	صح لسانك الله يعطيك العافيه

ابو هليل صح بدنك والله يعافيك
مشكور الله لايهينك

العرب كل مسعورٍ معرّط ببدّه = والليالي غروب ومنزلٍ وارتحالي
والليالي غروب ومنزلٍ وارتحالي
والليالي غروب ومنزلٍ وارتحالي
والليالي غروب ومنزلٍ وارتحالي

واه من غروبها لغربت بغالي صورة شعرية راائعة
من شاعر تعودنا منه الابداع
صح السنك لاهنت
شاعرنا القدير

صح لسانك



ابداااااع بلاحدود

	المشاركة الأصلية كتبت بواسطة الكحيلة

	العرب كل مسعورٍ معرّط ببدّه = والليالي غروب ومنزلٍ وارتحالي والليالي غروب ومنزلٍ وارتحالي والليالي غروب ومنزلٍ وارتحالي والليالي غروب ومنزلٍ وارتحالي واه من غروبها لغربت بغالي صورة شعرية راائعة من شاعر تعودنا منه الابداع صح السنك لاهنت شاعرنا القدير

شاعرتنا الفاضلة صح بدنك ولا عليك زود
شاكر ومقدر حضورك المشرف الله لايهينك
لك أجمل التحايا واطيبها :