( في موتري واسحب بريك) ,,إلى العاصفه/ حفيد الحجيري

خـالــد بـــن عـبـيـد الاحـمــدي =
حارتك لزم اطبّها في موتري واسحب بريـك=واللي فراسـه عنّطـزه بايدهكـه صدّامهـا
هذا تحدّي ياحسن علم رفيقـك بـن بريـك=ذيك الدّروب المخطره ينهاك عـن مقدامهـا
حـسـن بـــن عـلــي الـبـشـري=
فحطّت في حرّتك قبشه ما سمعت صياح ديك=فرّيتهـا بالشَيْـوَل اللـي دفّـكـم قدّامـهـا
يابو عبيد أحَذِّرَكْ لا تنخـش عيونـك يديـك=روحك لا تهلكها و ترميها في نار إعدامهـا
خـالــد بـــن عـبـيـد الاحـمــدي =
ماهو صحيح اللي تقوله والعرب تضحك عليك=كل العلوم امثبّتـه وسـط الـورق بقلامهـا
اخذتكم واحد سرى قبلك وبعدك مـن يليـك=حطيتكم في وسـط مخبـا تنقفـل بحزامهـا
حـسـن بـــن عـلــي الـبـشـري=
الحق ما يرضي ثنين ولو نكرت اش صار فيك=عندي عليكم صك و شهوده مضت بإبهامهـا
إن كانها هرجـه تهـرّجّ والليالـي تقتفيـك=ترى معمّر يـا معمّـر مـا شِقـا صدامهـا
خـالــد بـــن عـبـيـد الاحـمــدي =
انا تراني يافتى من بايعينك مشتريك=قالوا ليال الصّوم حسبتها على صوّامها
وان عشت ياحسني مبارك دنيتك ماتهتنيك=منته بمثل اللي حمى للمسلمين اسلامها
حسن علي البشري=
أنته يابو عينٍ كما الفنجال وين إنته و أجيك=ترى الفتى ما شد ظهره غير صقر زمامها
يا مرسي الدنيا بتقبلّك شويّ و تحتديك=والله يجيرك من صدوف ليالها و أيامها