( سلام الله سلام ٍ يرضي الجمهور)..اقرب شاعر مسجّل بسمه يتفضّل

اشكرك على تجاوبك
اخوي / جميل بن حميدان
ونلتقى في محاورات اخرى انشاء الله

خالـد بــن عبـيـد الاحـمـدي =
سلام الله سلام ٍ يرضي الجمهـور=ومن طيبه صفوف اللعب تطربلـه
يصيب الزّار حاضر له بدون اشعور=ولـو انّـه بـلا بنّقـس ولاطبلـه
جـمـيـل بـــن حـمـيـدان=
هلا يامرحبا واقلط على الميسـور=ومثلك ياصقر سبـل الوفـا سبلـه
نبى نقرا عليك الفاتحـه والطّـور=يالين انّك تشـوف الشّـام فالقبلـه
خالـد بــن عبـيـد الاحـمـدي=
اقول ابك البقا منّتـه بشاهـد زور=لاكن افطنّ لما قولـه وحسّـب لـه
وخلّ تلاوتك تتلى على المسحـور=ليا منه شكالـك طـبّ يكتـب لـه
جميل بن حميدان=
والا ياصقر جاك اللي يصيد صقور=ومثلك لا حضر مثلي يطب طب له
من اللي جالنا من يمكـم معـذور=وانا من لا يحسبلي ماحسب لـه
خالـد بــن عبـيـد الاحـمـدي=
ماعمر الصّقر سجّل صيده لعصفور =ومثلك لا حضر فلعب اخشّب له
ولايابعدها طيبه لدير الزور=وختمّ اللعب خذ في خشمك القبله