مرحبا في محل مبهرين الدلال

جميل حميدان=
مرحبا في محل مبهرين الدلال = حرب كسابت الطالات من يومها
ياعميلي تعال وروح والا تعال = العرب من بعضها تآخذ علومها
طلال عايض الطريسي=
البقا ياصحيبي عد وبل الخيـال=والشياهين فوقك يصتفق حومها
العرب ماتـورد غيـر عـد زلال=وانت اظنك تعرف القوم وسلومها
جميل حميدان=
ياعميلي تريح واسترح فالظـلال=قدمك بحور مانته قادر تعومهـا
عارفين الحرام وعارفين الحـلال=وانت عينك ليا هالحين في نومها
طلال عايض الطريسي=
متقنٍ في بحور الشعر يابن الحلال=مير نفسك ليا اخطت لازم تلومهـا
انت شاعر مسمى والحقيقة تقـال=والرخامة على العربان وش قومها
جميل حميدان=
هيه ياللي تقول القول وين الفعال=الاقاويـل بالافعـال مرسومهـا
ماطلبنا شهادة منك مالك مجـال=والرخامة تعلمكم بهـا رخومهـا
طلال عايض الطريسي=
الهقـاوي بعيـدة ياكريـم السبـال=وانت هقوتك دايم تهـوي نجومهـا
نوب هرجك جزيل ونوب هرجك خبال=مير سلعتك وسط السوق ما اسومها
جميل حميدان=
الف مبروك جاك الترقية ياطـلال=كنت حاكم وصرت الحين محكومها
النويمي عطاك الفال بعد العقـال=من بعد ماشهد لك عنده قرومهـا
طلال عايض الطريسي=
تدري ان الجمل ماشال غير الثقال=أعرف الناس معطاها ومحرومها
انت ضلعن صغير لاتواجه جبـال=جيب زين الطبايع كب مذمومهـا
جميل حميدان=
اخضر اسمك بعد ماممطر عليه الخيال=والامارة مع اللـي راحـوا ختومهـا
الجبل ماعطانـا حـل ذاك السـؤال=يوم ثانـي وثالـث يـوم ذا يومهـا
طلال عايض الطريسي=
اسمي الي تعده مع زحول الرجال=لكن ام الكباير عنـدك علومهـا
اغتنم ياوسيع العرف باق الليال=ليلةٍ صلهـا والثانيـه صومهـا

ياسلام ياسلام لله دركم وصح الله السنتكم محاوره جزله من الطرفين وابداع رائع بيض الله وجيهكم ولانعدم تواجدكم وتقبلو مني صادق ودي وجزيل تقديري والله يحفظكم ويرعاكم