قصائد الرثاء في شاعر الخليج صياف الحربي

هذي القصيده مرثيه في الشاعر العلم صياف السحيمي رحمة الله عليه للشاعر محمد الجميلي الحربي

امن العياضي وجهت لي رساله = سطرين بس امن الخبر طحت مفجوع
كنت اتقهوى ثم جدعت البياله = موضوعها ذلحين عن غير موضوع
موضوعها ضيق خفوقي وهاله = حتى عيوني من حزن سالت دموع
تبكي على راع الوفا والجماله = اللي توفى ثاني ايام الاسبوع
مرحوم ياللي ما امهلت له لياله = عدة عوام من المرض طاح موجوع
تبكيه حرب وكل من هو بكى له = يبكي بدمعٍ صدق ماهوب مصنوع
اليا تذكر دون ربعه فعاله = دون القبيله كامله صوت مسموع
صياف ابو مفلح كريمه خصاله = في هامة العليا له المجد مطبوع
شاعر ويحسن فالمواقف مقاله = الشاعر اللي كل صعب له يطوع
اعزي انفسنا واعزي عياله = وانا ادري ان الموت للعبد مشروع
لكن يارحمان عندك عساله = في جنتك يارب منزال مرفوع
وترسل على قبره بنو ٍ خياله = صادق وقبره كنه بورد مزروع
ويالله يالمعبود تحسن مأله = لاجاء نهارن فيه شافع ومشفوع