الله لايجعل للأجواد حاجه

ليس هناك احد مقصود بعينه بالابيات التالية ولكن مجرد خاطرة قد تحاكي بعض الواقع....

الله لايجعل للأجواد حاجه=فى ديرة الانذال والا الرديين
حيث النذل يكثر عليك اللجاجه=الخير مامن خير وبالشر عجلين
إليا طلبته شىء قطب حجاجه=كنك خلجته فى فؤاده بسكين
مادور الناموس يوم المواجه=لاكاسبن دنيا ولاكاسبن دين
أما الردي تلقاه مثل الدجاجه=لانافعن غيره ولامساوين شين
كل ماطلبته شىء زاد أرتجاجه=هزع يسارن والمراجل على يمين
عرف الردي نقصن وهرجه سماجه=مرجوح ولايرجح بكل الموازين
درج امورك دام فيها أندراجه=والله كريمن فى أمورك لك يعين
والصبح لابده يبين أنبلاجه=لابد عقب الليل لك صبحها يبين
تضيق ولاضاقت على الله أنفراجه=لاشك زينها مع الله ترا تزين