الى اخي العزيز سالم البشري مع تقديري للجميع

	المشاركة الأصلية كتبت بواسطة مشعل النويمي

	لك خصايل طيبه وطبعك حلو لو ذكرنا ماتفيك اذكارها كم فقاره بالرفاقه إغتنو وفي معارف بالحياة تشقابها وتعرف الدنيا تسالي مع لهو واللي تسأل يعتذر باشغالها ومثلك إنت فالحشا ماينمحو رفقه حلوه والحسان خصالها فالصفوف الأوله لي يوصلو والمواقف والظروف إرجالها لك تحيه واحترام مع علو وافتخاري إبمعرفتك إختامها مشعــــــــــــــل النويمــــــــــي 20\5\1433هـ

أبو فيصل أخجلت تواضعنا بطيب كرمك وأخلاقك

ياخوك عذراً على التأخير 00يومين أعاني من الإرسال

مرحبا باللي مدحني لا ولو=قدم ورود الغلا واعطارها
صادق شعوره وشعره جمّلو=أجمل ابيات الوفا مختارها
النويمي وربعته فوق اعتلو=من رجالٍ مانقص مقدارها
فاللوازم ينصفونك لااقبلو=والمعالي حايزين شعارها
رافعين الروس دايم مااهملوا=والمراجل اصبحوا تجارها
عن مضامين العوايد ماجلو=والأصاله ما اخلفو منظارها
لابوفيصل والجميع اللي دخلو=شكر سالم في ختام اخبارها