الشرق الاوسط حالته حاله = من بعد ماثارة براكينة

الشرق الاوسط حالته حاله = من بعد ماثارة براكينة
غزاة رجلية وخياله = واختل واختلت موازينة
مابين نقاضة وفتاله = تاهت عن الثاير عناوينة
احد غزآ حاكمة واشتاله = والا احد ماشاله ليا لحينة
كلً خذا فاله ومعداله = والمسعد اللي فاز بالزينة
ما باقي الا من تهياله = شيطان ظمة مع شياطينة
يبقاله من الوقت يبقاله = قسمة يبا ياجية في حينة
ماينفعة يمناة وشماله = لو كان بالتصويت حامينة
كلٍ يبا يجزى على اعماله = في يوم تشهد ضده ايدينة
قلته وانا من دار ما حاله = الحايل اللي من حوالينة
الطيب فاله والسعد فاله = عنه العدوا لا جاه حادينة
لامن دعا داعيه جيناله = لو يطلب الارواح معطينة
تاريخنا يشهدله اجياله = تاريخ موثوقة براهينة
شعبٍ يسابق قوله افعاله = وملوك راضيهم ومرضينة
آل السعود اللي لهم طاله = والمجد بالامجاد راقينة
ماقاله الله حكمهم قاله = دستورهم شرعة قوانينة
العود ورث حكمه عياله = واللي مشاه العود ماشينة
يبقا الوطن لنا وحنا له = والله يديم الحكم وسنينة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

جميل ياجميل الطرح
صح لسانك وعتلا شانك

	انت مبدع صح لسانك __________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

الله يحيكم جميع كلٍ باسمة .. وصحت اابدانكم ... مروركم شرف لي .. ووسام على صدري .. تحياتي

صح الله لسانك
ولاهنت
وسلم فكرك وبنانك
دمت برعاية الله وحفظة