ديوان خليفه محمد سعيد المزروعي

كن فالمجالس بداية خير=الدين ديدنك وأسلوبك

وعينك لاشافت عيوب الغير=عن عيبهم ناظر عيوبك
2

يتعبك جاهل قليل العرف=ويسحبك للموقف المحرج
وكل ماتجره يعود خلف=من حفرته مايبي مخرج

3
ان كان ماللموده ساس=جيد ويرفع بنايتها
تمشي معانا يلين الراس=وتردنا في بدايتها
4
كل ماخرجتو خطفت أقلوب=وتتحمل أثام ياهاذا
أرجع لبيتك كفاك اذنوب=وشهو بعد ذالعدد ماذا
5
أشغلتني وإنشغل فكري=وأتعبتني يالغضي عند أيش
مادام ماللهوا قدري=أنته وأنا نافضين الريش

6
تدرين انك من الأهداف=في خيط قامو يحكونه
ياجوهره مغلفه بغلاف=أغلافكم لايشلونه
اليوم لفو عليك أحلاف=من قهرهم بايشوفونه
ماعندهم من قرف ينعاف=وما عندنا اليوم يبغونه
بنت الجزيره من ألأشراف=وغلافها تموت من دونه
ولله ماشي عليها أخلاف=وحنا لها اسيوف مسنونه

7

ليتك يابو زيد تعذرني=وتفكني من ملاقاته
فنه نزل وأعتلا فني=لاتردني في تفاهاته

8
قلت العفو بعد غلطلتنا=وقلت العفو ياحبيبي جاك
وتروح ترجع لقصتنا=وزريت لا أعرف دواك ألداك

9
أه ألذي كلهم ضدي=مافيهم اللي علي حن
كثر الصبر بيحه سدي=ماذرف دموعي لكن أون
من عيبي اود من جدي=وللي في قلبي ماعرف أكن
وأمشي ولبسي على قدي =ومن خلقتي ماأسئ ألضن
وطالعت للكل متحدي=وان جيت انادي انادي من
ألوقت وألجيل متمدي=وأما لنا سابحات الفن
10

كرهتني يالغضي افحرفين=وأن قلتهالي ماصدق

وأنته وانا مانسير أثنين=مطلوبكم صعب يتحقق


راحت سنه وأنرمى تقويم=وتقويم علق على جدري
ويكفيك يامعتبر تعليم=إن الزمن بالعمر يجري