ياكثر اللي يدور بخاطري لو اكشف المستور !

	المشاركة الأصلية كتبت بواسطة احمد عباس المخلفي

	هلابك ياقصيدي لادعاك الخاطر المكسور=وحياك الخفوق اللي تخثر داخله دمه هلابك عد ماغنى على الغصن الخظر عصفور=وعدد ماصفق الطفل الصغير وقال يايمه تراحيب مثل لمع الذهب لاشع فوقه نور=تشوق له عيون الادمي لاناظرت يمه انشهد ياقصيدي مادعيتك لين جالك دور=كبرت بناظري قبل اتوسط عالي القمه ابفخر فيك واستانس ولوضاقت علي صدور=مشاويري معك تو ابتدت لاتنقض العمه تمنيت الونيس ولا لقيته بالسنين البور=وصلت اقصى مداي ولاغلب قلبي على همه حسايف ياقصيدي مانعيت الا صداقه زور=بدت ثم انتهت قبل الدلي تركن على الجمه صداقه ماتنومس مالها معنى ولادستور=تنقص قيمه الرجال عند الناس وتذمه تراني ماخسرت الا الزعل ومجابه المغرور=ونظرات الصغير اللي حقر فيها ولد عمه على متن الوسيعه تثبت اقدامي بلا باكور=شموخي يستحيل يموت دام انفاسي تشمه ياكثر اللي يدور بخاطري لو اكشف المستور=طلع فجرا جديد يصافح السهران ويضمه انا لولا ولولا ماسكت ولاسمعت الشور=عليه الله وامانه لرتكي للحمل وازمه يقولون الرجال اليا ضربت اوجع وفج نحور=ترى محدٍ يهاب الداب لولا الخوف من سمه

صح السانك ملايين اسجل اعجابي
بهذه القصيده الجزله
دمت كما تحب
تحياتي وتقديري لك