يلايمي من قال الا واوجودي 000

	المشاركة الأصلية كتبت بواسطة بخيتان البشري

	جدول دموعِك ما بدأ له حدودي = يجري سواقي ماطفى جمر فرقاه لو كل من تذرف دموعه يعودي = من فارقه 0 مانلتقي حي ننعاه راضين بامر الله إله معبودي = لله ماياخذ ولله ما اعطاه يلايمي من قال الا واوجودي = ليتك تحس بشي من جُور ماجاه كني سجين وكبلته القيودي = لا ميت من داءه ولاحي بدواها كله على اللي نايفات الحيودي = في رؤسها منزال باسمه تسماه شيخٍ بفكره عن ربوعه يذودي = وبالمال لو إن الزمن جار ما اعضاه من هيبته تاقف جموع القعودي = للمجلس اميره وبعلومه احياه ولا حان للشجعان قدح الزنودي = من قدح زنده ياصل العلم منهاه للعرف مرجع والعوارف يقودي = ومنصى لربعه والرياجيل تنصاه للضيف واهله والرفاقه يجودي = وجاره يمره ماخبرنا تعداه مرحوم ياشيخ سكن بالحودي = يالله عسى في جنة الخُلد مثواه يالله يارحمن حي و ودودي = برحمتك غفران واحسان تجزاه وإنك تصبرني وفوقه تزودي = سلوان يامعبود ماخاب رجواه وختامها عداد كل معدودي = صلوا على اللي بامته خير سواه

رحم الله الوالد رحمة واسعة

صح السانك وبيض الله وجهك
على الجزالة واهل الجزالة مرثية تفوق كل مرثية


مافيك حيلة يا ابو محمد جزل في كل الاحوال

وتستاهل التقييم المعناها ومبناها والمن قيلت فيه