ديوان الشاعر طارق عبدالرحمن ( أبن وازن ) الجحدلي

أبن وازن =
سلام سايـر بقـن وعـرف = يا مـقـدر الــزاد والـعـشـره
دمي فداخل عروقي جف = لاحـــــول لـــيـــه ولاقــــــدره
هزيم الرعد =
ترحيب بأحلى لحون الحرف=يا نجم بالطيّبة ذكره
أنا وروحي وفكري صف=ولله في حكمه الدبره
أبن وازن =
تسلم ويبقى جمال العزف = معكم يطيب القلم حبره
رد النظر للعيون بكشف = وأعلن على خاطري كسره
هزيم الرعد =
حلو القواني لا فاق الوصف=اهل المعاني تحت أمره
ويا صاحبي لو نغض الطرف=نرتاح من هلة العبره
أبن وازن =
كفي وكفه فزاد الكتف = على العشا والملاء كثره
لما اكتفى ياهزيم وكف = قام وتركني على السفره
هزيم الرعد =
اللـي يعـرف العلـوم وصِــرف = واجــب عـلــى مثـلـهـم تـشــره
دامه جهل و إستخف وخف = مـا لـه فسـوق الغـلا حـضـره

أبن وازن =
أهل المعاني لهم جمرك = يوزن حروف المعاني كم
سلام ما يوحده مشرك = اللى تجاهل ألهه ظلم
حبك أميري =
الماس مايبخسه مدرك = ويبقى في عين الفقارى حلم
ترحيب به ينشرح صدرك = من منبع المعرفه والعلم
أبن وازن =
يا نبع وافي لنا حبرك = تبقى على المعرفه وملم
شمس الظهر صيف مايسرك = جو الصفا حاله المؤلم
حبك أميري =
لاسار ماهو على خبرك = مزعلك وانت معه مهتم
إنقى منه شي مايضرك = وابعد عن اللي يجيب الهم

بحر الكسره =
كل مانتهى العنى ياصاح = يرجع على وضعه الثانـي
مـدري متـى حالـنـا يـرتـاح = والحـق ناخـذ مـن الجانـي
أبن وازن =
ما ينتهي العنا لو صاح = المشتـكـي الـــذي يـعـانـي
دايم منور كما المصباح = تطفيه يولع بي شيطاني
بحر الكسره =
اجــراح فــي داخـلــي تـجـتـاح = شــوف العـنـى كـيـف ودانـــي
حاولت اسعى على الاصلاح = لــقــيــت بـــركـــان يـنـصــانــي
أبن وازن =
المشتكـي مـن جروحـه نـاح = ولـجــل الـعـنـا يـــوم نــادانــي
وشهو السبب القمر ما لاح = وسـط السمـاء نـور مابـانـي
بحر الكسره =
تـعـبـت فـسـعـو والـمــرواح = وبعد الوفى صار ينساني
الهجـر ياصاحبـي سـفـاح = وقلبـه رمانـي و يشنـانـي
أبن وازن =
قلـب الـوفـى بالـوفـا نـضـاح = يبنـي مـع الـسـاس اركـانـي
وتيـس البـدو للوفـى نطـاح = رد الــوفــى بـالـجـفـا كــانـــي
وعطر الهجر بينكم قد فاح = بعـد السعـي والتـعـب فـانـي
لا تتعـب القـلـب فالـلـى راح = ورده اذا جــــــاك ظـمـيــانــي

من الماضي =
لاصـــار عـــد الـــروا نــاقــي = ومايختلف فـي نقـاه اثنيـن
وش يرتجي من ورد هاقي = يلقى منه كـل وقـت وحيـن
أبن وازن =
عـــد الـــروا مـثـلـكـم راقــــي = صافي ويبقى فداخل عين
واللـى ورد تشـهـد اوراقــي = يلقـى وفـاء والكـلام الزيـن
عمر الرحيلي =
لازلت ساقي وسباقي = كلما كتبنا من الوافين
ماعاد باقي لها باقي = والشمس مالها غيرتبين
من الماضي =
وش الــــذي دونــنــا تــاقــي = وأخلف لنا الظن والتخمين
وانـتـم هــل القـيـل ورفـاقــي = وقـدوة لمـن ينشـد التدويـن
أبن وازن =
عالـي القـدر منـزلـه بـاقـي = وحشمة رفيقي ليوم الدين
ويــدي فـيـده مــع الـسـاقـي = قـدر وغـطـى دوم متلاقـيـن
عمر الرحيلي =
الطيب مابيننا راقي = مهما يحاول غراب البين
شفت السبب والسبب لاقي = وش عاد باقي مع المفتين

الفارس =
يــامـــرحـــبـــابـــه ابـــــــــــــــن وازن = باعداد ماانعش هبوب النود
الـلــي حــضــر كــنــه الــمــازن = واسـقــى ديـــار الـوفــا والـجــود
أبن وازن =
تـبـقــى بــعــز الــوفـــا رازن = باعـداد عـز الـوفـا مـعـدود
ان غبت ياصحابنا خازن = تقديركـم فالـصـدر مـوجـود