ردي على رسالة الاخ حسين بن مريع العبيدي

	المشاركة الأصلية كتبت بواسطة محمد عبدالله البدراني

	حي الجواب اللي لفانا من الغرب = اللي قريت احروفه ابملتقى حرب لو اتجه للشرق ماضيّع الدرب = الموتر ومن كزه الشيخ مرسال لا شك ماجانا ولا شفت زوله = من شان اقدّم واجبه في وصوله حيثه رسولٍ من رجال الحموله = اللي لهم وقفات في ماض الاجيال واليوم ميراث الجدود القديمه = في كنف شيخٍ من الشيوخ الحشيمه حسين بن مريع قوي الشكيمه = من روس حرب معدّلة كل من مال شيخ الجهوم ومن بني عمر ساسه = اللي على العدوان فيهم شراسه اهل الشجاعه والكرم والفراسه = والطيب ماكر للعبيدي ومدهال حيه وحي كتابه اللي بعث به = نزيه ومنقيه ماحدٍ عبث به عما يشوبه يوم فكري لبث به = ساعة تمعن والمعاني به اجزال معاني ٍ يطرب لها كل مطنوخ = والا الردي عنها على الوجه مطخوخ ماله ومال افعال لبّاسة الجوخ = وجواب خمسٍ جاتنا اقرا لتال الاوله بنت ٍ لها كم سيره = امنولٍ واليوم تبقى جديره بالحفظ للازم ويلزم ذخيره = لها ليا صارت على كف رجال والثانيه قول المثل له دلاله = العلم نورٍ والظلام الجهاله ويارد عليه الحق وايضا العداله = والا الشهاده لاحصل مس واجدال والثالثه ياعنك ماهو بمجهول = ان قلت مشروبٍ واذا قلت ماكول والرزق من عند الولي دوم مكفول = وله الثناء والشكر ماهل همال والرابعه عودن قديم وجديدي = الدرب .. لكن وين بيت العبيدي اليا وصف لي شوفته يوم عيدي = لا بد ماننصى لسمحين الاقبال والخامسه فنجال ياوي فنجال = من يشربه عدى على روس الاقذال ايخلد اسمه مع صناديد الابطال = يوم العرب مابين راحل ونزّال واختامها مني سلام وتحيه = لاهل الوفاء والطيب والشاذليه والشيخ واعياله رجال الحميه= وصلى الله وسلم على محمد وآل آمل ان تحوز على رضاكم وان اكون قد وفقت في الرد على رسالة الاخ العزيز الشاعر الكبير الشيخ حسين بن مريع العبيدي وهذه تحيتي وتقديري مع اسمى ايات الشكر والامتنان لكم رعاكم الله .. .. . .

صح لسانك يالعملاق

رد وافي على وافي
حي الجواب اللي لفانا من الغرب = اللي قريت احروفه ابملتقى حرب
وانا اقول
حي القصيده وراعيها وحي اللي ارسلها ووجهها
عزالله مراد عمالقة شعرعسى الله يخليكم للشعر
الشعار الكبار محمد البدراني وحسين العبيدي
صح السنتكم وبيض الله وجيهكم
تقبلوا كل الاحترام والتحية