ديوان الكحيله للشاعرة كحيلة حرب

احترق ياحرف ولع لي مناره=عالج الجرح اللذي بالقلب دَمه
يازمان الحقد ياوقت الأثاره=فيك ناسٍ تطلب العليا بذمه
الضمير يباع في سوق التجاره=باعه اللي ناسيٍ خاله وعمه
يحسب أن العز في بشتٍ مُعاره=يرتديها لقمته ما تسد فمه
ناسي إن الوقت يكشف له استاره=لوتظاهر بالغنا مادل يِمه
ضايعٍ دربه وقاطع للآشاره=ياخسارة منسبه واويلها أًمه
ظنه إن الكذب مكسب مع شطاره=مادرى إنه شايلٍ حية بكمه
تلدغه بالسم وتردي وقاره=يتجرع سمها وتعيد سمه
ناسي إن له يوم ماتقبل عذاره=يوم كلٍ ناشفٍ عرقه بدمه
ينتظر لكتاب ربحه والخساره=الكتاب اللي حصى ذنب و لمه
مانسي له حرف وشلون العباره=لو ذكر له كان .ماشيٍ يهمه
ولاظلم للناس في دنيا الحقاره=ولاشقا فيها ولاكانت تهمه
ياإله الكون نطلبك الاجاره=ارحم اللي يشتكي .من مُر همه

http://www.m-harb.net/vb/showthread.php?t=114113