صياف الحربي + حبيب العازمي

............................=قال أنا ماجود عند المقرفون
مانويت أسري و باقلي ديون= و الله الوالي و لاغيره ولي
المشكله ماهي بـ فالموال= المشكلة باللي يشيلونه
أنت ياصياف لك حول السنة =كل يوم تجيب سية و حسنه
لاتمسكن وش تبأ بالمسكنه= و الله الوالي و لاغيره ولي
شبيت نارك مير جاك خيال= سد الجبل ماهو بمن دونه
بارك الله فيك ياهذا الصديق=يارفيق الناس يا أعز الرفيق
مير لاتقعد بنا نص الطريق= و الله الوالي و لاغيره ولي
الملعبة فيها رجال ثقال=لو تخفي المذهب يعرفونه
احتزم بالسيف و أنظر من بعيد=لاتجينا غير بالثوب الجديد
مدري أنت تصيد و إلا ماتصيد=والله الوالي و لاغيره ولي
اغسل يمينك و أمسك الفنجال=كلاً يبي يطحن بطاحونه
خلها بيني و بينك خلها =فوق رأسك يالسحيمي كلها
أنت عقدهه و أنا أبا أحلها= و الله الوالي و لاغيره ولي
أعطيك ياصياف نص ريال=نص الريال اللي يقولونه
مايجيب المشكلة رجل أجودي = و لايذل من الرجال إلا الردي
و أنت ليلك طال تمشي و تعدي= و الله الوالي و لاغيره ولي
ماهوب جيد مار ماش الحال= هالحربي اللي طير عيونه
جابله ثنتين و أبدأ وحده=عازمياً له جنود مجنده
مار حطوله فراش و مسنده=و الله الوالي و لاغيره ولي
أضحك بعد ضيعت راس المال=مستور حطك وسط كرتونه
ياعتيبه ياشجر ماله عروق=مابقى إلا واحدن من ذخر روق
قام يمشي من تحت و الناس فوق =و الله الوالي و لاغيره ولي
شفنا عليك عقال عال العال=و المرجله ليفه و صابونه
يالسحيمي كان طولت النزاع = و الله أنك لاتسام و لاتباع
أنت مابين الثنيه و الرباع=و الله الوالي و لاغيره ولي
ترى هذاه الحربي التمثال=يبأ عباد الله يعبدونه
ياحريبله ياحيتان البحر=ماعلانا لو تموت من القهر
مالكم في هاذي الدنيا مقر=و الله الوالي و لاغيره ولي
و انته علاك عقال فوق عقال= و المرجله تونه و زيتونه
ياحبيب ماتكب الدردشه=و البراريد الكبار أمنعنشه
مابقى إلا المرتبه و المفرشه=و الله الوالي و لاغيره ولي
أنا أعرف أنك من عيال رجال=لكن فيك علوم مدفونه
لو تأخذني لأهل مكه معك=جبت لك ضبين مع كيلو سمك
وحده لفلان و الثنتين لك=و الله الوالي و لاغيره ولي
فوقك مزون سيلها ماسال=حتى الرعد ماعاد يوحونه