سلام تسليمتن تضرب ديار اقحطان

صحت السنتكم جميعا ً انا عندي سؤال خارج المحاوره الي عنده خبره يجاوبني الله لايهينكم وخصوصا ً المتابعين الردود لاتاتي عندي مباشرة على الصفحة ينزل الرد على البريد اللالكتوني وبعد ثاني رد او ثالث تنزل الصفحة بعد ماسوي تحديث اول مره اواجه هالمشكلة وخصوصا ً بالمحاورة هنا افيدوني

ههههههههههههههههه

الله يرضى عليك خلك في المحاوره انا اعرف ايش اقول

هههههههههههههههههههه

ماقصرتم وبيض الله وجيهكم


تحيتي وتقديري

بدون زعل
اللي يقول ان فيه كسور يثبت وعلى مشهود الجميع لعتزل الشعر كامله
وان كان ماغير
سواليف

كل سالفه مردوده على صاحبها

	المشاركة الأصلية كتبت بواسطة علي حاسن

	ماشفتني الا بعين الطبع والطبع خان=وراك تشرد عن المعنى ياكركوشها بن ريفه ساقك وساق ابوك بالخيزران=والعبه اللي تبي تلعبها كوشها

نصبت لك فخ يشهدبه شهود العيان=يو م ا لبنادق براسك ثارت اقفوشها
عصى ابن عمك فراسك يوم عقد القران=والا ترى حرب مايقدر على هوشها

الكسر واضح اخي ابن حاسن ومايحتاج رهان عليه والمحاوره اعتقد انها وصلت للاخير واذا عندك بيتين والا نختم



ويقفل الموضوع



تحيتي وتقديري

عبدالله سنيدالحربي=
سلام تسليمتن تضرب ديار اقحطان =ولاترجع الا اهي خاويتن على عروشها
العام ماشفت لك جره فهذا المكان =واليوم زمل الجنوبي وصلت اطروشها
علي حاسن=
يامرحبا عد من صامو في شهر ارمضان=ترحيبة تغني العقال وهروشها
قحطان في قتنا الحالي وماضي الزمان=تنشد عن افعالها والا عن اقروشها
عبدالله سنيدالحربي=
دام البقاء للحروب اما انت عشرك ثمان =غلطت فالعلم وانت الغلطه اتحوشها
وشفيك زليت علمي ياطويل اللسان=لكن انا اعلق الجهال بارموشها
علي حاسن=
لا والله الا سرت ياليل ياليل دان=ياللي تسلم على ضيفك يامربوشها
انطعتني قبل لاتغرق الين الاذان=خلك على ارضك سما غيرك مابتنوشها
عبدالله سنيدالحربي=
لاتحسبني مسلم ياوسيع البطان =تسليمتي قنبله تعدمك لاتنوشها
ماتغرق القوم من ناسن قصار اليمان=ناسن نحرج عليها الصبح ونحوشها
علي حاسن=
اشلون تقدر تغامر لجل كسب الرهان=وسفينتك باقيه ماغابت انقوشها
مير ارقدو في المساجد لين وقت الاذان=من قبل نفرز اصايلها ومغشوشها
عبدالله سنيدالحربي=
طموحنا فوق ماننظر لصيد الطمان=ماهمنا لاكلنتنها ولابوشها
جينا بناخذك ونوديك دار الامان=لنك بضاعه لناسن عافت اعفوشها
علي حاسن=
منا الى الشمس تشرق والحقيقه تبان=والناس تعرف ارانبها من اوحوشها
بالله وش طيحك في يد راعي الحصان=ياقطعة طروش فالشارع بيغموشها
عبدالله سنيدالحربي=
يالزيدي اللي ليا طول لسانه يهان=يا مكبر الفرق بين الخيل واجحوشها
يابيض مجهول مصداره ولاله ضمان=تجلب للاسواق محدن يعرف اعشوشها
علي حاسن=
تو ابتدا ليلنا والليل يادوب زان=علمك ردي ياعجوزن وسط دخروشها
ماشفت منك السمينه مير هاك السمان=اما تعوش لها والا انك اتعوشها
عبدالله سنيدالحربي=
زان ابك ياللي حضورك له مقامن وشان=مادمت مخرج عجايز كبرت اكروشها
لاوالله ابشر بعزك من حديدالسنان=هات السمينه بعشيها بخربوشها
علي حاسن=
قحطان توعدك بالطوله وتضمن ضمان=مانحسب احساب صاحيها ومكروشها
راحو ثلاثه ثلاثه يالله المستعان=ماباقي الا هل الفرتات وبروشها
عبدالله سنيدالحربي=
جاء معك صاحبك ابن ريفه ومسك العنان=ودخّل حصانه من الشارع على حوشها
اقفيت عن ديرتك مطرود لنك جبان=يوم البواسل عليكم هالت اجيوشها
علي حاسن=
ماشفتني الا بعين الطبع والطبع خان=وراك تشرد عن المعنى ياكركوشها
بن ريفه ساقك وساق ابوك بالخيزران=والعبه اللي تبي تلعبها كوشها
عبدالله سنيدالحربي=
نصبت لك فخ يشهدبه شهود العيان=يوم ا لبنادق براسك ثارت اقفوشها
عصى ابن عمك فراسك يوم عقد القران=والا ترى حرب مايقدر على هوشها

	المشاركة الأصلية كتبت بواسطة عبدالله سنيدالحربي

	نصبت لك فخ يشهدبه شهود العيان=يو م ا لبنادق براسك ثارت اقفوشها عصى ابن عمك فراسك يوم عقد القران=والا ترى حرب مايقدر على هوشها

سلم راسك يالحربي
وصح لسانك
لاهنت

صحت السنتكم واتمنى الالتزام بالتعليمات وعدم الدخول بنقاشات تفسد المحاوره


تحيتي وتقديري