قصة وقصيدتان

قصيدة الشاعر عوض منير الحربي موجهها لمحمد مسفر نايش ألغامدي
حيث كان الشاعر ومجموعة من الأصدقاء يجتمعون في استراحة لولد شقيقي وهو الذي وجهت له القصيد حيث كان غائب في تلك الليلة فقام اثنان من المجموعة واحد غامدي والثاني ليس غامدي ولا حربي والظاهر انه قحطاني من غير تاكيد وذهبوا وسألهم الحربي قالوا لنا شغل ونرجع فقام عوض بتجهيز القهوة يفكر ان الربع راجعين حسب كلامهم ولكن لم يرجعوا وعوض لما طاب خاطره منهم شرب قهوته واسند على ولد اخوي يطلب الحق فلما علم الغامدي ويدعى سعيد عايض المهايلي بالخبر قال يا حربي والله ما دام انك صدقت كلامنا وسهرت تعمل القهوة ونحن كنا نمزح معك ولم نكون صادقين والله يا حقك ما يقوم به إلا انا قبل يحكم علي محمد والله يا حقك انه ناقة خلفة وتستاهلها وجاريت الشاعر عوض بالقصيدة المرادفة لقصيدته1:

سلام يا محـــــــمـد سلامٍ يــــثــنّى = يا أبن الرجــــال الطـيـبـيـن المشاكـيل
أنتم بني غــــــامد ليا ولـــعــــــنـى = نار الزنود اللي تـشب المـفــــــــــاتـــيـل
مشوّكٍ ليا ناشه المـــلـــــــح دنـىّ = يخلّي عروق القلــــــــب مثل الهماليـل
من فوق قبٍ يكظـــمن الاعنـى = الله خلقــــــــــــــــــهن للمعادي غرابيل
عدوكم من فعـــلـكم يستـجـــنى = يفـــــــــــز من نومه يشـــــوف الــتهاوبيــل
ودخيلكم ليا جاء لكم يرجـهنى = يرتاح بالــــــــــه من العنا والبــــــهاذيـل
غير الشحم والعود فنجال بـنى = وبحماية الأبطال جــــيــل بعد جــيــل
وأنـتـه مـقـر الحــق لـيا ثبّــتـــنى = وأنـته ولد مسفر تبـي توفـــي الكــــــيل
واللي دعاء راعي الغنى لـيـن غـنى = أبو عوض و سعـيد دوك الــتـــفاصـــيــ
سألتهم قالوا نبي نعــود حنّى = وبذلت مجهودي على دلـــة الـــهــــيل
وقعدت ساهر والنجـوم أدبـحـــنى = مقابلا مركــــــاي هو والمـــــعامــــــــــيل
فلان ما عوّد ولا عاد هــــــنى = وأثنــينهم عُــقّال ما هـــــم جــهاهـــــيـل
كان الخطأ يا صاحب العرف منى = الله يحيــــيـــــهم على مفـطــــّـح الحـيل
وأن كـــان منهم منوْة اللـي تمنى = لا و الله إلاّ زان حــــــط المـعــــاديــــــل
مير أحتـزم في حقنا لا تونىّ = يا الله عـــــــساها يا أبن مسفر تساهــيـــل
وأختامها منّي سلامـا مـثـــنى = ألذ وأحـلـــى من حلـــــــيــــب المشاميل

.
.
.
.

حي الجواب اللي معانيـــــه فـــنّا = من شاعرٍ ينـقـى جزيــل الـتمـاثــــــيـل
عوض منـــير الــــــــنادر الـمستسناّ = من روس حــرب مبعّـدين المواصــيل
في ضلـــهم ريـع الطرف يطمـــأناّ = من يطمــعه جـتـه المنايا شهــــــــــالـيل
يوم القـــــشر والشر زيــره يـحــــــنّا = وشبه الجـزيرة للوقــــــــائع مداهــــيـل
راياتـهم في الهــوش ما ينـــــكسنّا = إلاّ ترفـرف فـي الطوال المـقــــــابـــيل
شمّ الجــــــبال اللــي ذراها يكـنّا = الريف فــــــــيـــها والدفا والمقايـــــــيـل
الطـــيـب يا أبن منيــر منكـم ومـِنّا = هذا سهـمنا مع قــــــروم الرجـاجــــيـل
حـــقــــاً لنا وحـــقـــوقــهــم فــرّعـــنّا = في كل ديــرة يــبدي الجـدي وسهيل
أبو سعـــــــــــود أسند لنا مستـــضنّا = يـــــبغي على الشارة نمدّ الـــدرابـــيــل
وحِـــــنّا ليا من اللـــــــوازم نصــنا = نـــــقرّر المـــــــيـــــــــزان ونعـدّل المـيل
سلومـنا بــــيـــن الــعرب يعـــرفـــناّ = شواهرا مثل النجـــوم بدجى اللــــــيل
حق الخــوي والجـــــــار منّا يسنّا = نقدّمه (ع) الـروح طنـخــه وتــــفــضــيل
و أن جاء الخطأ من جــانبه دون مَــنـّا = ندمــــح خطــــاه ولا نحـــــط العراقــيل
وأن حمّنا من صوب كايد طــعـنّا = بين الـثنادي بالرهـاف الـمسالـيـل
نثني الصعب حتى عظـــامه تحـنّا = من جور حملـــه يرغـي ويفـــقد الحـيل
دام البواخـر في المـوانئ رســـنّا = ربُانـها بو عايـــــــــــض الشـــهم الأصــيـل
شيخا ولد شيخا بـــيـــوته تـــــبـــــنّا = على المكارم والوفاء طائل الطـــــــــيل
أقــبل سلامي والمشارب صفــــــــنا = ما عاد فـــــيـــها يا ابــيـض الوجه تعلـيل

الشاعر: مبارك نايش علي ألغامدي 8/3/1432هـ

الله الله الله

صح الله السنتكم جميع

وبارك الله فيكم

وعسى الله مايفرقكم ويجمعكم على العز والطاعه

لاهنت

صح الله السنتكم و لا هنتواا ....

الاخ فهد السليمي صح بدنك ولا هنت تحياتي

الاخ بدر الحداري صح بدنك يعطيك العافية لا هنت تحياتي

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\

صح الله السنتكم جميع

وبارك الله فيكم

ابو فياض النويمي صح بدنك الله لا يهينك اطراء جميل لا هنت/تحياتي

راعي البل صح بدنك يعطيك العافية لا هنت تحياتي

صح الله السنتكم و لا هنتواا