الوجـــد

السلام عليكم ورحمة الله وبركاته

كل عام وانتم بخير

يسعدني الانظمام لهذا المنتدى الرائع


وحبيت اشارك في ابيات لي متواضعه لعلها تجد شيً من القبول

الله من قلبٍ لـه الوجـد جـذاذ=بأقصى معاليق الضماير يجـذه
عليك ياللي من هوى القلب معتاذ=ماجاك من غاليـك علـمً تبـذه
قلبٍ تولع بـك ولاعـاد ينعـاذ=مايسمع اللي كـل علـمً يهـذه
مايستمع هرجة عـذولً وهـذاذ=لك هاجسً بين الضماير يحـذه
مستوطنً حبك ولامنـه منفـاذ=لوكان طول الصبر بالحزن قذه
اغديك تاتي له على الصوت نفاذ=والقلب ملك لك على العز غـذه

¨°o.O ( يامرحبا فيك يابن العم) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك اخوي رابح و وجهك ابيض ولاهنت على مرورك العطر والرائع

احترامي وتقديري

يامـــرحـبــا عـداد ماهــــل رذراذ=وعـداد مايقـدع مـن التـمـر فــذّه
ذكّـرتـني طــرقا لو القـلـــب فـولاذ=يذوب يـومه فـي نـظـرهـا تـقـذّه
عين اشقرٍحلوذ على الجول حلواذ=من شانها المسحوب طرقه نهذّه
لوجــبت له فرقــت مغاوير ونـقــاذ=راع الهوى تبحـــث خـفاه وتـبذّه
انا اشــهـــدان القلب مولع ومنحاذ=مـن بعدها ماذقــــت بالوقـت لـذّه
شـيٍ كـــتب باللّـوح ماعـنه ملـواذ=مكتوب والمكـــتوب ماعـنه شـذّه
وكل عام ونت بخير وسعاده=

مشاري البدراني

صح السانك وإعتلا شانك

وحياك الله في ملتقى حرب

ونتشرف بإنضمامك معنا

وعساك على القوه

وننتظر إبداعاتك وإطروحاتك الراقيه

لاهنت على حضورك الراقي

دمت بخير

الشاعر
مشاري البدراني
صح لسانك وحياك الله في ملتقى الجميع
الشاعر مساعد الجليدي
صح لسانك على المجاراه الرااااااااائعه
تحياتي للجميع

الشاعر
مشاري البدراني
صح لسانك وحياك الله في ملتقى الجميع

صح لسانك وسلم بنانك



قصيدة رائعه بروعة حضورك



لك تقديري

مشاري البدراني

صح السانك وإعتلا شانك


قصيده رائعه على قافيه صعبه ابدعت في نظمها

الله يعطيك العافيه

	المشاركة الأصلية كتبت بواسطة مساعد الجليدي

	يامـــرحـبــا عـداد ماهــــل رذراذ=وعـداد مايقـدع مـن التـمـر فــذّه ذكّـرتـني طــرقا لو القـلـــب فـولاذ=يذوب يـومه فـي نـظـرهـا تـقـذّه عين اشقرٍحلوذ على الجول حلواذ=من شانها المسحوب طرقه نهذّه لوجــبت له فرقــت مغاوير ونـقــاذ=راع الهوى تبحـــث خـفاه وتـبذّه انا اشــهـــدان القلب مولع ومنحاذ=مـن بعدها ماذقــــت بالوقـت لـذّه شـيٍ كـــتب باللّـوح ماعـنه ملـواذ=مكتوب والمكـــتوب ماعـنه شـذّه وكل عام ونت بخير وسعاده=

مرحبا تراحيب المطر يامساعد وحياك الله
وكل عام وانت بصحه وسلامه

وشاكر لك مرورك الطيب والعطر وصح لسانك على مجاراتك الرائعه



احترامي وتقديري