,, العيد لاقالوا لي طيب ومسرور

,,

العيد شوفك وانت طيب ومسرور=وان شفت وجهك هل عيدي هلاله
عساك دايم وانت في خير وحبور=بعناية الرحمن جلا جلاله
وعساك دايم وانت في دنيتي نور=نور المحبة والسعد والأصاله
أقولها مجبور ولاني بمجبور=من صادق الإيمان فيما ترى له
مجبور بإخلاصي لك سنين وشهور=ولك سرمدي إخلاصنا من خلاله
ولاني بمجبور ولي فيك مذخور=حبٍ كبير منزهاتٍ خصاله
وتأكد أبادلك أنا شعور بشعور=محبةٍ في الله وسَبحت ضلاله
ولو طرأ سلم المحبين تغيور=لك حب لابِدِّل ولاأحسِن بداله
وإذا بسوء الفهم لاحقني قصور=هذا إعتذاري لك وهذا مجاله
أيام عيد وعفوك أحرى ومنظور=ومنك العفو أحرى بمثلي يناله
اليوم أحاسيسي لكم حرف مسطور=عل وعسى ترضِي مقام الجزاله
كتبت لك اسطور وباقي لك اسطور=في داخل الصندوق وجوهر تلألا
نقشٍ على فولاذ شفاف بلور=لاعاتمٍ لونه ولاينبغى له
وانا الذي باالود صادق ومخبور=ومحبتك تشهد وحبك عداله
وإعلم لو افرح منك بمجرد حضور=فالذاكرة وعبر الأثير الرساله
عيديتي , وإن جيتني أهلا ومشكور=مثلك كريم ومثلنا ينعناله
ولك أمنياتي صادقة يحرم الزور=مع فرحة الأعياد والطيب فاله
ماغرد البلبل وما تشدو اطيور=ومع نشوة أرواح المصلي دعا له
وأبيك تسمح لي فتقصير معذور=لمصافحة كفك بهذا الرسالة

وسلامتكم

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك وبيض الله وجهك
وكل عام وانتم بخير

صح الله ألسانكـ و أعتلى شأنكـ ..............

صح الله لسانك
ولاهنت
وسلم فكرك وبنانك
دمت برعاية الله وحفظة

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

صح لسانك يابو عساف
قصيده راائعه
دمت وداام تالقك اخوي طلال
احترااامي

لاهنت وصح السانك

تقبل التقدير والاحترام

وفقك الله

كل عام وانت بخير ياابوعساف

نص فاخر وشامخ مطنوخ من راس مطنوخ وعاشق جزاله

بيض الله وجهك ياذيب

وصح لسانك مليارررررررررررر

ونص راااااااااااق لي كثيراااااااااااا

ومن العايدين وكل عام وانته بخير

	المشاركة الأصلية كتبت بواسطة رابح الجحدلي

	¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

كل عام وانت طيب ومن العايدين

ماعليك زود
أسعدني حضورك الكريم
دمت بخير