عـبـــره

	المشاركة الأصلية كتبت بواسطة عبداللطيف العوفي

	الأخوه والأخوات الكرام كل عام وانتم بخير لقلوبكم البيضاء الود أخذت من دورات الايام عبره=درست لين اني فهمت وتعلمت الادمي يصغر ليا زاد كبره=خسران يامن بالتغطرس تحزّمت وان مرّ نص العمر من غير خبره=النص الاخر واجبه يلزم الصمت واللي يخونه ساعة الضيق صبره=لايعاتب العالم ولايكثر الشمت قولوا لمن نيرانه إ/تطول نبره=لاصرت ماصليت مايفيد لو صمت وقولوا لمن يقصر عن الجود شبره=تراك ببلوغ المعالي توهمت لو يدخل بليهان مع ثقب الابره=مانلت كل اللي تبي لو تحلمت والوقت اذا مااسقاك شهدٍ وصبره=اليا حلفت انك محنك توثمت ماكل شي اليا انكسر سهل جبره=بعض الكسور تطاولك لو تندمت قبل القلم يرفع أو إ/يجف حبره=كانك تبي ينقال فعلا تقدمت الجا لربك واطلبه حسن دبره=وانه يمدك بالفرج لاتأزمت الحرّ له لفحه وللبرد سبره=احسب حساب ثنينهن لو تكرمت عبداللطيف العوفي

الشاعر المبدع والراائع

عبداللطيف العوفي

الله الله الله

الله الله

قصيده معبره رائعه قراتها لأكثر من مره

ووجدت بها الكثير من الحكم والمعاني الساميه

التي لاتستغرب منك

فلله درك وبيض الله وجهك اخوي عبداللطيف

ولاهنت يالغالي

صح لساانك مليون على نظمها

ودمت بكل خير وعااافيه


تقديري وأحترامي لك