(( النــــاس في تفكيرهــــــم مـــا يتساوون ....)) أبيات متواضعة ..

السلام عليكم ورحمة الله وبركاته
يطيب لي أيها المتصفح الفاضل أن أضع أمام ناظريك هذه الأبيات المتواضعة
التي آمل أن تحوز على رضاك وإستحسانك وأن تحضى ولو بالجزء اليسير منهما
وأن تجد لديك القبول ... وهي أبيات تعبر عن نفسها ....
أقول فيها :

ماني مصــــــدّق بــــك وكالــــة يقولون=لــــو قيل مهمـــــا قيل عندي قناعه
لـــو ركــّـبوا للـــسالفـــــه راس وعيون=أملك على المعنى صمــــود ومناعه
أنتـــه تعــــرف اللــــي مقفـّـى وموزون=تفتــــل وتنقــــض كـل معنى بساعه
ضـــو ٍ لمــــع خلف الزجاجه على هون=ومن الزمـــــرّد كـــان هـي باللكاعه
ثوبـــك بعيــــن الــذيب ذعـذاع وسكون=يــوم الصناعـــــي مغـرم ٍ بالصناعه
يــــابذرة ٍ مـــن كـــل جانـــب لهـــا لون=الآفــــــه اللــي حاصرتهـــا الزراعه
إبليــــس كـــل ٍ يــــدري إبليــــس ملعون=وإنــــه بعد محـــروم حــق الشفاعه
النــــاس في تفكيرهــــــم مـــا يتساوون=لولا تفــاوتهـــــم تبـــــور البضاعه
أنا أعتبــــرك بحــال صاحــــي ومجنون=وأحيــــان بالتــّـطبيـل توخـذ طماعه
وأوقات تسبح بالفضـــاء وأنت مسجون=وعليك باب الخـــــوف فيــه إندلاعه
تبغـــى غـــزال الكــور والكــور مرهون=ما تصافحــــه كــف الوضيع التباعه
لحظـــه ! ترى هامان مع ديـن فرعون=والكســــر تظهـر صـورته بالإشاعه
لــــو الخلايـــق عـــن خفايــــاك يدرون=ما صــار لــك تـقديـــر بيـن الجماعه
لكــــن بأوهامـــك علـى الدّبـــك يمشون=وأنت الغشـيــش اللي طبيعـه خداعه
طبعـــك وباء بالمجتمـع وصـف طاعون=والطبع ما بـه طــب صعــب إنتزاعه
مــدري مـتـــى جهـّـال غيــّـــــك يفيقون=حتى غريـــق الغيـل يطــوى شراعه
ناس ٍ تقــــول : المشكلـه ثقب الأوزون=وناس ٍ تقول : العلــم عنـــد الإذاعه
خذهــــا على ما تريـــد وحمولـك طنون=واللي فـــزع عجــّـل وهات إنطباعه
جـواهــــر ٍ مضمونهـــــا منــــك مأمون=من يدركــه يلقى بــه أكبــر براعه
أقــولهــــا واثــــق ولا نـــــي بمشحون=أخـــذت مـــن بيــــن المعـاني قلاعه
إستارهـــا منســـــــوج ما هــو بشيفون=وعلى الغــلاف الشـمع لجل الوداعه
وسمع ووضعك صار من دون في دون=قدمـــك بحــر جرّب سلاح الشجاعه
هـــذا بدايــــة مقصـــــدي وأنت مفتون=إسمــع ورد إن كـــان فيك إستطاعه
لــــــزّام ليـــث ٍ دونـــــه اليـــوم كيلون=سيـد الســّــــباع مجــوّده في كراعه
الصّـــــم مهمـــا كـــان وشلون يوحون=شوف العيـون ومستحيــل إستماعه
على الحديـــده كــــود والحبل مشطون=وراع الجديـــد مسجـّـليـــن إختراعه
من لا إحتســـاك برمح مسموم مسنون=حوّلــــت به للقـــاع عقـــب إرتفاعه

وســـــــــــــــــــــــــــــــــلامتكم

صح اللسانك مليون يابوفهد

قصيدة جزلة من شاعر جزل



مدري ليش انا مبسوط اليوم



تحياتي لك

صح لسانك

اخوي وعلى شانك

صح لسانك يابن القبيلة

وبيض الله وجهك

صح لسانك وعلي شانك يابن القبيله

يعطيك الف عافيه

صح لسانك

اخوي ابن القبيله وعلى شانك

صح لسانك يابن القبيلة

الله يعطيك العافيه

قصيدة رائعه

ومنعى اروع

بيض الله وجهك

اخوي ابن القبيله

والله من اجمل ما قرات من القصايد


وصح الله لسانك وعلا الله شانك

ولا تحرمنا من جديدك لو قديمك

ودمت بالف خير

الشاعر المبدع / ابن القبيله

صح لسانك وبيض الله وجهك على هذه القصيده العصماء
التي لاتستغرب على شاعرٍ في مستواك


لك مني جزيل الشكر