اللي عارف المعنى يرد واللي ماهو عارف يمسك سرى وبيعرف ؟

عبدالله سنيد الحربي=
يالربـع انـا مـن بعـيـد الدارللدارجـيـت=ورحلت عن ديرتن فيها البلاء والوباء
وحليت في ديرتن زينـه علـى مابغيـت=ويامكبر الفرق مابين القصيم وضبـاء
محمد العمري=
عزالله انك غزيت ولتحدي نويـت=هبت من الغرب لكن واجهتها صباء
وديار ربعك تراها لك مكاناً وبيـت=مافيه داعي وخلك شاعر مودبـاء
عبدالله سنيد الحربي=
مادام عن غزوة الغازي سمعت ودريت=احـذر يجـي مـن تواليكـم جـراد ودبـاء
يالله لعلـك مـع اخوانـك كتبـت وقـريـت=انتـه ذكـي بـس تخلطهـا شويـة غبـاء
محمد العمري=
غزيت وانكفت مدري وش جبت وجنيت=وأنته من روس ربعاَ غيرها وش تباء
أمسيت في دارهم واصبحت مامسيـت=نشدت ربعي وقالوا راح مسجـد قبـاء
عبدالله سنيد الحربي=
غزيت غزوه لها سمعه وطاري وصيت=وكسبـت كـل الغنايـم والرخـوم اتهـبـاء
تبى الحقيقه هدمت اخر جبـل وانتهيـت=ونصيـت قومـن تقابلنـي بـزيـن النـبـاء
محمد العمري=
الباب قفل وأنا للباب قمت وسعيت=وشفيك عن ماقفك ليا عليك اعتباء
هقيت هقوه لكن ماهي على ماهقيت=القوم قالو لي أنه هج مثل الضباء
عبدالله سنيد الحربي=
ماني سواتك ترجيت العرب وانحنيت=وقفت في ماقفـي يـوم الذليـل اختبـاء
غزيت واخذت كل اللي عشانه غزيت=وحكمتهم حكمت اسليمان دولـة سبـأ
محمد العمري=
لا والله انته لهم ياجابـري ماقويـت=اقفيت من عندهم والسيف معك احدباء
لزمتك اشدادها لكن طحـت وهفيـت=وتسبني ياولـد هـذه تراهـا جبـاء
عبدالله سنيد الحربي=
تـراك مانـت ابحكـم ياللـي لحكـمـك عطـيـت=ميـر انـت مـن ناقـة الجيـران شــارب لـبـاء
من انت ياللي عن الموضوع ضعت وغديت=مجـهـول دايــم لـيـا حـــل الـظــلام ايـحـبـاء
محمد العمري=
ياليت سود الليالي علمن وش خفيـت=لااقول مهف الرشا بمقيط وسط احلباء
مليت حاضك لكن للحاض قمت وكفيت=وانته سلايل معيض اللي بطيبه رباء