بعد الغيــــاب ..!

21-05-11, 11:18 PM

السلام عليكم ورحمة الله وبركاته ..

تقبلوها كما هي ..

الليالي سرمديه والغياب الي حداني = خضب سطور الدفاتر بالمزون العقربيه
والمساري في غياهيب الدجا والعمر فاني = اخلجت في صدري الوجد وظروفٍ ماساويه
والحنين لكل ارضٍ قد كساها ماكساني = امحلت والمزن يجفاها وهي ارضٍ خليه
ياذعاذيع الصبا هبي على ذاك المكاني = وانشري فوح القصيد الي شعا راع المطيه
ايتغنى بالطواريق الطويلات السماني = ويستهيم معانقة سحب الخيال الموسميه
ويستلذ مرافقة عال الحجا رجم البياني = وينتحي به كل طيفٍ ياسم الخافق بكيه
كم لها عيني تجود الدمع بشعار التفاني = والوفا مازادني غير اعتقادي بالخطيه
ماكسبنا من ظروف الوقت غير الامتحاني = والقناعة بالفراق الي فرى حال الصبيه
بيننا ناب القدر يزمي كما ضلع المحاني = والعزاوي من عياطير السطرفي الجاهليه
ماكفانا عبرتٍ في نوت وصدوف الزماني = يوم قفوا في ضعنهم واعلنوا سير الرعيه
الشعيب يسيل من شوق العيون وماتعاني = والعقاب الي يهد الجمع راح اطرف ضحيه
مالنا غير الغرام الي نكضه فالمحاني = دامنا نجهل حضارات العصور الاوليه
ماصنعنا قنبله تقدر تبيد به هالكياني = كل حيٍ تحت شمس وكل حيٍ تحت فيه
ينكتم صوتي ليا شيدت لي صرح ومباني = بالتمني والمفاهيم القديمات السويه
وينطق فوادي بصوت الحق مع ثقل اتزاني = هي كذا دنياك ما تصفي لخيرة هالبريه
واتنهت والعتاب العذب يجرح كبر شاني = وازعج الصوت وتعرضني هبايبك العتيه
من عرفتك والليالي عذرها اني اناني = والعطا منها يعل الكبد وجروحي نديه
مابغيت الشور من يمة عريبين المجاني = ولا قصرت الشوح دونك ياسنام الاولويه
ياوصوف الخشف ياعذب اللمى عود اللياني = ضامر السرجوف تزهاك الخيوط العسجديه
بنت من ماله يزيدنه مسافات الثواني = واسمه اكبر من حسابات البنوك المصرفيه
اله في لندن سفارات وعلاقات ومواني = من سلالات الملوك العرب حامين السريه
والشرف من منسبه ينساق في اسمى المعاني = عزوة الي قد خذوها بالسيوف الصيرميه
يامجارير السبيب الي تبيح ماخفاني = ذعذع الغربي ونساني غرام العامريه
نرجي الوصل وعبارات الرجا تدفع لساني = والتلاقي يكسب الشاعر مشاريهٍ لظيه
الله انه لايعيدك ياسهيل ابن اليماني = فاح عطر الشوق يوم اني على ظهر المطيه