ديوان الشاعر ( حفيد الحجيري )

مطرز الحرف=
أسترسخ العطف في وجدي=حتى أحتمال الموده تزيد
والبعد ماهو على يدي=كيف أقترب والحبيب بعيد

[/quote]

الحجيري=
لا تخلط العطف بالودي=حددّ مشاعرك يابو زيد
حسب ما أرى الود مو جِدي=وقلبك ما حددّ وش اللي يريد

مطرز الحرف=
رايك قريته وذا ردي=رداً على الرد بالتأكيد
العطف لولاه مامدي=كل قلب وده فوده يزيد

الحجيري=
القلب مأمور كالجندي=راعيه ماله سوى التأييد
قلنالك العطف لو يجدي=ما كان به قلب مابه سيد

مطرز الحرف=
ياليتك تحس ماعندي=يوم العواطف لها تجديد
بس إنه الود في بعدي=حاكم عليه حكم تأبيد

الحجيري=
هذا الهوى جزراً و مدي=في وسط بحره سموم البيد
اِستأنف الحكم واستجدي=قاضيك يمكن يجي تعميد

مطرز الحرف=
ليت القُضى بيننا يجدي=واللا الدعاوي معاه تفيد
مادامه الوضع متردي=بيني وبينه حبال وقيد