نبرة الصوت.......نايف بن مياس

وراك يالغالي قطعت اتصالك=وانا من اول عيشتي نبرة الصوت
مافيه رنه زي رنة حبالك=اسلوب مع منطوق واضح ومخفوت
يعكس مدى حبك بقلبي جمالك=حطمت من زينك تواريخ بيروت
لاهم بني عمك ولاهم خوالك=وشلون مستنقع يجي فيه ياقوت
ليتك صفيت لقلبي اللي صفالك=اسمك عليه من اول العام منحوت
متى على الله نرتوي من خيالك=تروي ضما قاعٍ من العام موقوت
ان كان بالقادم خطرنا ببالك=تراي محبوبك الى سكرة الموت

[/poem


نايف بن مياس الفريدي