البارحه يوم ارتخى الليل ياحزام*** هزت هواجيس العنا كل معلوق

السلام عليكم ورحمة الله..
.
.
مصافحه وتواصل مع الأحبه من جديد..
.
.
قصيده وجهتها للأخ العزيز/حزام بن محيا العتيبي ......
مع التحيه لشخصه الكريم

البارحه يوم ارتخى الليل ياحزام= هزت هواجيس العنا كل معلوق
قمت اتفكر بالليالي والايام=والصدر من همن سطا فيه مخنوق
احدن من الهاجوس والضيق مانام= وحدن على نغم الطرب ريح الموق
ويومن جفني عن لذيذ الكرى شام=اخذتلي مع سجة البال طاروق
وعلى الورق ياحزام دارن الاقلام=لمصافح القيفان يدفعني الشوق
ياحزام يمنى الطيب ماتمد لخمام= محدن يعامل بالوفا راعي البوق
اهل الردى كثـروا لهـم عـدة اعـوام=واللي مثل شرواك قلو يابن روق
ياليت في وجه الردي رمز وأوسام=متبينه للي يشوح النظر فوق
حتى نطق شعيل في قيد وخطام=من قبل عوجآ عقبها مقاضب حلوق
ماني برجلي واطيآ روس الألغام=لاصار لي حدود مع كل مخلوق
ون زلت الشيمه ورفن الاعلام=سليت سيفآ للمهمات مذلوق
ماهو قريبلي من عيال الاعمام=حتى اني ادمح زلة إضعيف منطوق
ولاهو رفيقن كاسبآ بالوفا وسام=يوفي لي حقوقي وانا اوفيله حقوق
الحر مايرضى المهونه ولا يضام=يسطي بمخلابن مضاريبه تعوق
يسبح بلجات الهوا فوق لاحام=وليانزل وكره على راس شاهوق
من مامشى ممشى عواريفن كرام=مايستره ثوبن على الجسم مشقوق
الرفقه اللي مابنوا ساسها كرام=لازم مع الايام يبديبها فتوق
الرس مايروي ضمى ورودن حيام=والسلعه الهزله معي مالها سوق
مااخاوي اللي بين الاجواد نمام=بالمجتمع ماهو على الخبث مسبوق
هرجه لمن سمعه مثل قرصة الهام= يونس عطبها اللي به السم مدفوق
يمشي على وجهين من بين الانام=جسمه رقاق وسمه براسه يسوق
انا رفيقي مثل شرواك ياحزام=يامحزم اللي من عنا الوقت مرهوق
ياللي ليمنى ابوك وعتيبه حسام=يابن الحرار اللي حموا شمخ النوق
في نجد قبل يروضه سيف الامام=عبدالعزيز اللي عليه احكم الطوق
صقرآ حكم كل الجزيره بالاسلام=وخلا الجهل في حبل الايمان مشنوق
ياهل سيوفن تودع القاسي اقسام=وسرد الخيول اللي لها بالوغى لحوق
ذباحة الحايل وللعايل كعام=المدح للي مثل شرواكم يلوق
وقبل سلامن جاك لبياتي ختام=بعداد رعادن قفى صوته بروق
وصلاة ربي عد من كبر وصام=على النبي اللي من النار معتوق
اللي عسف بالسيف عباد الاصنام=بامر اللذي بامره غدا اليم مفلوق.

الشاعر محمد البدراني
صح لسانك
والله يعطيك العافية
دمت شاعرا مبدعا في سماء الابداع
تحياتي

صح لسانك اخوي الشاعر محمد عبدالمحسن البدراني

وبيض الله وجهك يالغالي

اخوك
سلطان

صح السانك ياشاعرنا

الله يبيض وجهك

سنايدي يالذيب

يعطيك العافيه

الله اكبر يابوعبدالله

صح السانك الف مرى

يامال الغنيمه انت


انا اشهد قصيدة جزله ورائعه

واسجل اعجابي الشديد فيها

الله يبيض وجهك ان شاء الله

	سلمت يابو عبدالله قصيده من الوزن الثقيل اشكرك على تواجدك الذي يضيىء هذا الملتقى تحيه لشخصك الكريم

الشاعر محمد البدراني صح لسانك ملايييييين

مثللك كلامه ذهب واقصرت يالغالي

الاخ محمد عبدالمحسن البدراني

صح الله لسانك وبيض الله وجهك

دمت ودام ابداعك

الله يعطيك العافيه

تقبل تحياتي

	لله درك !!!!!!! لله درك!! صح لسانك اخي الكريم وبيض الله وجهك لقداجدت واحسنت القول تقبل ارق تحية من اخوك لهب القوافي

	المشاركة الأصلية كتبت بواسطة محمد الجحدلي

	الشاعر محمد البدراني صح لسانك والله يعطيك العافية دمت شاعرا مبدعا في سماء الابداع تحياتي

لاهنت وتسلم يالغالي

صح بدنك وبيض الله وجهك على المرور المشرف

تحياتي لك