ماهمني في باقي العمر باسي ،،،،،،،،،،،

	المشاركة الأصلية كتبت بواسطة بخيتان البشري

	بك ماقسيت وقبلك الوقت قاسي = ادركت مالم فالزمن تدركونه لاجلك فلذة كبد لا تكون ناسي = ماغيرك اللي ترخص الروح دونه توّك على الدنيا بها ما تقاسي = وعن مُرها حطك بداخل عيونه اللي معه لعبتّ سباق الكراسي = وهمومها الكرسي لها يسحبونه قرأ العيون وللخواطر يجاسي = اللي بكم ماخيب الله ظنونه ماهمني في باقي العمر باسي = همي لكم كيف السعد تملكونه ياكم باللي راح ابحر مأسي = على شواطي همّ ماتعرفونه ياكم صعيبات الزمن فوق رأسي= ترعد ويركِز وبلها من مزونه ودام الامل بالله علا فوق ياسي = ومعه الرجا مشاعري يحتوونه بثبي كما تثبي هذيك الرواسي = وشي انكتب بكتابكم تاخذونه واعداد مافالكون يمشون ناسي = على النبي صلوا واجر تحصدونه

ماهمني في باقي العمر باسي = همي لكم كيف السعد تملكونه


قمة التضحية والتفاني

نسأل الله ان يديمك ظلٍ ظليل على من عنيت

صح السانك شاعرنا القدير
بخيتان البشري