افتخرباسم جدي ذايع الصيت نايف =وافتخر باسم ابوي اللي عزيز جنابه

مساء الخير يارواد ملتقانا ملتقى حرب الرسمي
وعدت بعد طول غياب لظروف شخصيه وهذا جديدي
قصيده لها مناسبه اطرحها بين ايديكم
عسى ان تنال إعجابكم/

اعتلى هاجس الاشعار روس النوايف=هاجسن بينه وبين القصايد قرابه
وجاد واجاد ببيوتن جداد وطرايف=وانتقى من خيار الشعرجزله وجابه
وارتوت به ورق من عقب كانت جفايف=علها من غزير الحبرحرف وكتابه
يبدي الشعرماوسط القلوب الغلايف=وإن سالته عن التاريخ يعطيك إجابه
فالزمن ذا يشيب الراس من مأنت شايف=حاجتن تجعل الرجال يفقد صوابه
فيه ناساً فوجه الحق صارو حلايف=وصاروا فوجه راع الحق قوم وعصابه
وانتشر كل علم ٍشين واقع وزايف= ولسماعه قبول وله صدى واستجابه
ولو سمعنا من الجاهل علوم وطرايف=دام ماهي علوم ا رجال وش ينبغابه
الوفاء صارلأهل الطيب سلم ووظايف=والردي عن فعول الطيب مقفول بابه
وبيتنا ثابتٍ ساسه ولا هو مهايف=للمطيح ومع الايام زايد صلابه
افتخر باسم جدي ذايع الصيت نايف=وافتخر باسم ابوي اللي عزيزٍ جنابه
واحسايف على ارموز العرب ياحسايف=مشبعين النسور ومشبعين الذيابه
يوم كلٍ هرب واقفى من الموت خايف=عايض ابن جويبر يارده مايهابه
وعايض بن معيض ارجع عداته نكايف=يوم جاه الحريب وقال يامرحبابه
صار من بين اساطير العرب حيد نايف=قال له قول في الميدان ماحدٍ حكابه
ياعسى في ايمانيهم تمد الصحايف=ويغفر ذنوبهم ربٍ عظيمٍ ثوابه
وكم طامع غزى اقفى من بني عمر عايف=ربعتي تكعم العادي نهار الحرابه
بالخيول الاصايل والسيوف الرهايف=فعل في صفحة التاريخ كلٍ درابه
ونعم في حرب في وقت السنين العجايف=ونعم فيهم بحاضر وقتنا بالنيابه
فالزمان القديم مفرقين الولايف=يوم وقت المثارى والغزو والنهابه
ونعم في اللي يجود ولايهاب الكلايف=ونعم فاهل الوفاء من كل عزوة ولابة
واجمعت راية التوحيد كل الطوايف=ووحدتهم على نهج النبي والصحابه

للتوضيح:

عايض بن جويبر الدبياني رحمة الله عليه( عقيد قوم )
و
عايض بن معيض الدبياني رحمه الله الذي رحب بالقوم عندما هاجموهم وقال مقولته المشهوره(يامرحبا بالقوم ترحيبة المطر).........

.

اخوكم /عبد الله سنيد الجابري الحربي

حياك الله يابن العم
صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة رابح الجحدلي

	حياك الله يابن العم صح لسانك مليون على القصيده والله يـعـطـيـك الـعـافيـــــــــــة بيض الله وجهك

ياهلا وغلا ياخوي رابح الجحدلي والله يبارك فيك وصح بدنك ملايين
والله يعافيك ووجهك ابيض
الله يديمك

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

	المشاركة الأصلية كتبت بواسطة عواد الظاهري

	صح لسانك كلماتك غايه في الروعه أحييك على هذا البوح المتميز دمت ودام شعرك وبوحك

حياكـ يااخي عواد الظاهري صح بدنك

مرورك غاية الروعه والتشريف وانرت الملتقى والقصيده


دام عزكـ ونبضك

الله يعزكـ

صح لسانك وبيض الله وجهك ....... قصيدة تشكر عليها..


وفقكم المولى

	المشاركة الأصلية كتبت بواسطة متعب العمري

	صح لسانك وبيض الله وجهك ....... قصيدة تشكر عليها.. وفقكم المولى

صح بدنك اخوي متعب
ووجهك ابيض يابعدي
وشاكر لك مروركـ

دمت بعز

صح لسانك
كلام جميل
الله يعطيك العافيه
/
\

	المشاركة الأصلية كتبت بواسطة ابوفياض النويمي

	صح لسانك كلام جميل الله يعطيك العافيه / \

هلابكـ يابوفياض
صح بدنكـ

مرور جميل ومشرف

الله يعافيكـ والشر مايجيكـ

	المشاركة الأصلية كتبت بواسطة عبدالله سنيدالحربي

	وكم طامع غزى اقفى من بني عمر عايف=ربعتي تكعم العادي نهار الحرابه بالخيول الاصايل والسيوف الرهايف=فعل في صفحة التاريخ كلٍ درابه [/center]

صح لسانك يابن العم والنعم فيك وبجدك