اعتلى هاجس الاشعار روس النوايف=هاجسن بينه وبين القصايد قرابه
وجاد واجاد ببيوتن جداد وطرايف=وانتقى من خيار الشعرجزله وجابه
وارتوت به ورق من عقب كانت جفايف=علها من غزير الحبرحرف وكتابه
يبدي الشعرماوسط القلوب الغلايف=وإن سالته عن التاريخ يعطيك إجابه
فالزمن ذا يشيب الراس من مأنت شايف=حاجتن تجعل الرجال يفقد صوابه
فيه ناساً فوجه الحق صارو حلايف=وصاروا فوجه راع الحق قوم وعصابه
وانتشر كل علم ٍشين واقع وزايف= ولسماعه قبول وله صدى واستجابه
ولو سمعنا من الجاهل علوم وطرايف=دام ماهي علوم ا رجال وش ينبغابه
الوفاء صارلأهل الطيب سلم ووظايف=والردي عن فعول الطيب مقفول بابه
وبيتنا ثابتٍ ساسه ولا هو مهايف=للمطيح ومع الايام زايد صلابه
افتخر باسم جدي ذايع الصيت نايف=وافتخر باسم ابوي اللي عزيزٍ جنابه
واحسايف على ارموز العرب ياحسايف=مشبعين النسور ومشبعين الذيابه
يوم كلٍ هرب واقفى من الموت خايف=عايض ابن جويبر يارده مايهابه
وعايض بن معيض ارجع عداته نكايف=يوم جاه الحريب وقال يامرحبابه
صار من بين اساطير العرب حيد نايف=قال له قول في الميدان ماحدٍ حكابه
ياعسى في ايمانيهم تمد الصحايف=ويغفر ذنوبهم ربٍ عظيمٍ ثوابه
وكم طامع غزى اقفى من بني عمر عايف=ربعتي تكعم العادي نهار الحرابه
بالخيول الاصايل والسيوف الرهايف=فعل في صفحة التاريخ كلٍ درابه
ونعم في حرب في وقت السنين العجايف=ونعم فيهم بحاضر وقتنا بالنيابه
فالزمان القديم مفرقين الولايف=يوم وقت المثارى والغزو والنهابه
ونعم في اللي يجود ولايهاب الكلايف=ونعم فاهل الوفاء من كل عزوة ولابة
واجمعت راية التوحيد كل الطوايف=ووحدتهم على نهج النبي والصحابه

المشاركة الأصلية كتبت بواسطة عبدالله سنيدالحربي (المشاركة 971942) وكم طامع غزى اقفى من بني عمر عايف=ربعتي تكعم العادي نهار الحرابه بالخيول الاصايل والسيوف الرهايف=فعل في صفحة التاريخ كلٍ درابه [/center]

المشاركة الأصلية كتبت بواسطة رابح الجحدلي (المشاركة 971981) حياك الله يابن العم صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة عواد الظاهري (المشاركة 971993) صح لسانك كلماتك غايه في الروعه أحييك على هذا البوح المتميز دمت ودام شعرك وبوحك