مزاين حرب

السلام عليكم ورحمة الله وبركاته
لقد كتبت هذه القصيده في حفل مزاين حرب لظروف خارج عن الأراده لم اتمكن من القائها في الحفل هذه امامكم وارجوا ان تنال استحسانكم

يالله باسمـك أبتـدي نظـم الأشعـار=وأهدي سلامي حـرب واللـي حظرهـا
نيابه عن أهل الحفـل كبـار وصغـار=أرحـب وأهلـي عـد وابـل مطرهـا
بأهل الحفل واللـي لفـى الحفـل زوار=والله يديـم الـدار والـلـي عمـرهـا
واللي حماهـا مـن طماميـع وأشـرار=وخلى التلاحم صورتـن مـن صورهـا
ومن كلمة التوحيد سـوى لهـا أشعـار=وجود بناها عـن الشـرور ونصرهـا
عبدالعزيـز وجعلـه اليـوم فــي دار=الفردوس الأعلى يقتطـف مـن ثمرهـا
ومن حمد ربي عقبه على النهـج سيـار=سنـه حمـيـده ومقتفـيـن لأثـرهـا
والحفـل هـذا دليـل مـن الأثـمـار=نتـاج بـذره صقـر الجزيـره بذرهـا
تزينـي يـادار فـي لبـس الأســوار=وحطي علـى جيـدك غوالـي دررهـا
ثم افرحي يادار فـي شـوف الأخيـار=وقولي هلا في بدوهـا وفـي حضرهـا
وهاتي مزايين الأبـل اللـي لهـا كـار=عند الرجـال اللـي تحبهـا وتخبرهـا
شوف الأبل يجلى عن العيـن الأكـدار=ويرجع على العين المريضـه بصرهـا
شهد لها الخالق كيـف تلفـت للأنظـار=في شوفهـا وشـوف طلعـت وبرهـا
زين الأبل يحمـل معانـي ولـه أدوار=في عرفهـا وطبوعهـا وفـي سيرهـا
وهذى مزاين حرب من نسـل الأحـرار=تسـر وتعجـب كـل منهـو نظـرهـا
هـذى عطايـا الله قـعـدان وبـكـار=عسى الله يجنبها الخطـر مـن بشرهـا
عسى الله يرزقها بالحيا وزود الأمطـار=حتـى تربـع فـي طـوارف ديـرهـا
وعسى الله يديم الأمن وخفضان الأسعار=ويديـم للديـره نورهـا مـن قمـرهـا
عبدالله حبيب الشعـب الناصـح البـار=ووليه وإخوانـه عزهـا وهـم جبرهـا
الله يديـم لـعـز وافـيـن الأشـبـار=هـم ذخرهـا لامـن تطايـر شررهـا
اما ابـو فيصـل بـه المـدح يحتـار=الـلـي مـذلـل للمـزايـن وعـرهـا
كريم سبـلا يـده مـن الخيـر مـدرار=احيـا نباهـا عقـب وقتـن دثـرهـا
تشجيعه وبذله من علامـات الاصخـار=وصـدق المحبـه للأصالـه نـذرهـا
لاما غدت في كل المناطـق والامصـار=فكـره عظيمـه مشعـل اللـي نشرهـا
ترفع له البيضـاء علـى راس مسبـار=بعال الهضاب ومـن نظرهـا شكرهـا
وعساه يسلـم مـن صواديـف الاقـدار=ويبقـى وسـام معلقـن فـي نحـرهـا
أهل الأبل تاقـف لـه اجـلال واكبـار=لجلـه اعـاد لهـا لجزيـره سفـرهـا
تراث الاجداد اللي سمعنـا لـه اخبـار=صرنـا نشوفـه مـا نتحـرى خبرهـا
يامير مشعل انـت والصحـب الاخيـار=تشريفكـم ملـك القلـوب و اسـرهـا
جيتك اضفـت علـى الحفـل الانـوار=أهلا هلا بـك أنـت واللـي حضرهـا
نهـدي لبـو فيصـل ترحيبنـا الحـار=من اعماق القلوب اللي بحبـه غمرهـا
ولايفوتني بالشكـر مـن كـان سهـار=علـى نجـاح الحفـل وأحيـا سهرهـا
أخص لأبن دليم ومـن معـه حضـار=عبـدالله البدرانـي وقفتـه نعتبـرهـا
وقفت وفـاء منظورتـن سـر وجهـار=واللـي معـه أفعالهـم مـا نحصرهـا
عسى الله يوفقهـم مـن غيـر أذكـار=وأرجو السموحه من شأن أبغى اختصرها
ابو بدر يستاهـل مـن الشكـر مليـار=ومتـأكـد أنــه مايـبـي ينتظـرهـا
ولكـل منهـو حاضـر الحفـل مقـدار=وقنوات التراث اللـي باسمـه شهرهـا
تستاهـل التقديـر مـع كـل إصـرار=لأفـرادهـا والعاملـيـن بـأسـرهـا
مـن اكبـر مديـر ليـاحـد كـومـار=المصـور اللـي كاميراتـه سطـرهـا
وهـذا الحويفـي يبـي بـس مـعـذار=من كـل شخصيـه بالحفـل ماذكرهـا
الكـامـل الله والبـشـر دوم قـصـار=وكلـن حسـب جهـده يمينـه فسرهـا
وصـلاة ربـي علـى سيـد الأبـرار=إعـداد رمـل سهولهـا مـع حجرهـا

شاعرنا وحبيبنا الغالي

الشاعر الكبير عبدالرحمن المحمدي

صح لسانك واعتلى شأنك وبيض الله وجهك على القصيدة الرائعه

التي تبيض الوجه في واجهة قبيلتنا الغاليه

نتمنا من الله ان يوفقك ويبارك فيك ويجعلك ذخر للقبيلة يالغالي

اخيك ابوروان

الله اكبر الله اكبر

قصيده في قمة الروعه

واللي زادها روعه هو شاعرنا الغالي عبدالرحمن المحمدي

وزود ذلك انها في قبيلة حرب

بيض الله وجهك وصح السانك وعلي شانك على القصيده التي يفتخر بها كل حرب

صح الساااااااااااااااااااانك ياشاعرنا

عزالله ماقصرت بالقصيدة الجزله التي نفتخ فيها

عساك ذخر لقبيلتنا ياشاعرنا

صح لسانك على هذه القصيدة الراااااائعة

و القبيلة تستاهل أكثر

شاعر ونص

صح لسانك على القصيدة الراااااااااااااائعه

ابدعت ابدعت فيها

الله يعطيك العافيه

صح لسانك صح لسانك
سلم راسك يالمحمدي على هذ البوح الجميل
تحياااااااااااااااااااااتي

قصيده في قمة الروعه


ابدعت ابدعت فيها

ياسلام ياسلام على الابداع

صح السانك وعلي شانك وبيض الله وجهك على القصيدة والابيات الجميله

الله يعطيك العافيه

عزالله ماقصرت بالقصيدة الجزله

عساك ذخر لقبيلتنا ياشاعرنا