لاهب ذعذاع النسيم الشمالي

لاهب ذعذاع النسيم الشمالي=هبت على القلب المعنّى طواريه
ومرن علي مراودات الرجالي=روابعن غيبي على الناس تبديه
احط من بين الضلوع النحالي=وتبين الايام شي(ن) مخفيّه
وقمت اطرد الذكرى بوقت(ن)طرالي=نفسي تتوق ان حل للبال طاريه
ليا طرالي قلت ليت الليالي=تعود له واعيش مره وحاليه
يمرني لو ما يجيله مجالي=دايم على بالي وعيني تراعيه
ذكراه تنعشني وتملك خيالي=اسج له سجات غالي لغاليه
والله لو سولف علي الموالي=ما رد لو كثرت علي المشاريه
ماهو كبر لكن شي(ن) ابالي=يصدني في عالم(ن) غير موحيه
الايام فيها كنت داله وسالي=والورق ماتشكل عليه غوانيه
تحت السحاب اشرب قراح(ن) زلالي=قبل الذحاح يقدم الكاس ساقيه
ياوقتي ارحم ماش شي(ن) بقالي=كم غالي(ن) جدّدت لوعات مغليه
لنام جفن اللي من الهم خالي=سامر نجوم الليل والهم يكويه
اطرد ورا سنين(ن) قفاها الزوالي=مرواحها والله ماني بناسيه
مرواح طير(ن) عند راعيه غالي=عصرية(ن) والريح صلف(ن) وقافيه
وجدي عليها لو توجدت طالي=ودمعي عليها ميت الغصن يحييه
ان قلت وقتي يابشر ماصفالي=عفوية(ن) ماني على الناس شاكيه
وقت(ن) يقص مروبعات الحبالي=قد قالها بندر بقاف(ن) موفيه
وصلت مدري وين ياهملالي=لكن قاف(ن) يحزن اللي يغنيه
من مبتداه الى نهاية مقالي=شخص(ن) ذكر ماضي زمانه ويرثيه

اخوي فليح صح لسانك....قصيده اكثر من رائعه....على امل تتحفنا بجديدك

اخوك فهاااااد

شاعر بمعنى الكلمه..
صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

صح لسانك مليوووووووون يالغالي

بيض الله وجهك على القصيدة الرائعه

صح لسانك
كلماتك غايه في الروعه
أحييك على هذا البوح المتميز
دمت ودام شعرك وبوحك مبدعا

الله يـعـطـيـك الـعـافيـــــــــــة على القصيده وصح لسانك مليون
بيض الله وجهك

صح لسانك وعلاشانك



قصيده رائعه من شاعر مبدع



لك تقديري

صح لسانك وسلم بوحك على القصيده الرائعه

صح لسانك ..

ويسلم منطوقك ..

كلمات قمه فالجمال والابداع ..

كلمات تلامس القلب .. و تحمل الكثير في معانيها .. وطيات حروفها...

صح لسانك عدد بلا مدد